Jueces 18:8 - Wuj Pa K'ubultzij

⁸ Are uri i jo'ob' ajtaqenel le xetzalij chub'i chila pa tinimit Zora xaq i Estaol, ipa je o wi kan kachi'il, are xeuponik, xtz'onox chke: —¿Wach xiwil ut? Are uri ike xkib'ij:

Jueces 18:8 Iomraidhean Croise

JOSUÉ 15:33

I tinimit chi je o chwa ta'aj: je are xya' ke iri, Estaol Zora, Asena,

Jueces 13:2

Pa tinimit Zora o jun achi chi ma Manoa ub'i, ire le utzob'ajil ma Dan; i rixoqil achi le lik k'ijinaq ti rak'al man kalan taj.

Jueces 16:31

Chrijil chik ile, xek'un konojel i ratz ucha' xaq konojel i rachalal a Sansón, xkik'am b'i uch'akul, xkimuq chila chuxol i keb' tinimit: Zora xaq i Estaol, chila pa jul ipa muqtal wi ma Manoa chi uqajaw. A Sansón juwinaq junab' xk'iji pa kaj-atzil aj Israel.

Jueces 18:11

Are uri lajujwinaq jumo' (600) achiyab' re utzob'ajil ma Dan xe'el chila pa tinimit Zora xaq pa tinimit Estaol, konojel lik kiyijb'am b'i kib' che i ch'oj,

Jueces 18:2

Rumali i utzob'ajil ma Dan xekitaq b'i jo'ob' achiyab' chi lik ko kiwach, kelik che i tinimit Zora xaq che i Estaol. Ike xa je ajtaqenel chwach ronojel i k'ijib'al chila. I jo'ob' ajtaqenel le xe'e chwi taq jyub' chi ke utzob'ajil ma Efraín, are uri xeupon chi rachoch ma Micaía chila xewar wi kanoq.

Jueces 18:7

Are uri xe'e i jo'ob' achiyab' ajtaqenel pa tinimit Lais. I winaq chi je o chila che i tinimit le kkich'ob' ike chi nti kkik'ulmaj, lik keje pacha i aj Sidón, chi lik utz je olik xaq o i chomb'al k'uxij chkixol, lik nti kech'ich'awik xaq lik nti kramtaj chke. Xwiri lik naj je o wi chke aj Sidón, lik nti jun winaq kelapan ku'.

Jueces 18:9

Xojsutin chwach ulew le, xqilo chi lik rutzil ulew. ¡Jo chu'anik ch'oj chkij! ¡Mixkanaj kan waral chi to' ixkul b'ik! ¡Rajwaxik chi kqamaj kan ulew le xaq kqa'an qe che.