Jueces 18:2 - Wuj Pa K'ubultzij

² Rumali i utzob'ajil ma Dan xekitaq b'i jo'ob' achiyab' chi lik ko kiwach, kelik che i tinimit Zora xaq che i Estaol. Ike xa je ajtaqenel chwach ronojel i k'ijib'al chila. I jo'ob' ajtaqenel le xe'e chwi taq jyub' chi ke utzob'ajil ma Efraín, are uri xeupon chi rachoch ma Micaía chila xewar wi kanoq.

Jueces 18:2 Iomraidhean Croise

GÉNESIS 42:9

Are uri a José xk'un chuk'ux wach i achik' chi u'anom chke, rumali xub'ij chke: —Saq laj tzij yix lik ix k'ak'alinel; xa xixk'un chutaqexik wach okik ki'an pa tinimit.

Proverbios 20:18

Uch'ob'ik i anik ru' k'iyal taq nojb'al yijb'am wi; xaq ru' jun utz laj ch'ob'onik k-an wi i ch'oj.

NÚMEROS 13:17

Ma Moisés are xeutaq b'i achiyab' chrilik ulew Canaán, xub'ij chke: —Nab'e kixik'aw pa Neguev, te'uri kixel b'i chwi jyub'.

Lucas 14:31

We o jun ajawinel k-e pa ch'oj chrij jun chik ajawinel, ¿Xatab'a kkub'i ti nab'e chuch'ob'ik we ktiki che i ch'oj ru' jo'mo' juchiy (10,000) uwinaq chi je yij che i ch'oj; man i jun chi kolu'ana ch'oj, je rok'am li lajujmo' kachiy (20,000) uwinaq chi je yij che i ch'oj?

JOSUÉ 15:33

I tinimit chi je o chwa ta'aj: je are xya' ke iri, Estaol Zora, Asena,

JOSUÉ 19:41

Chupam i kulew le o i tinimiti: Zora, Estaol, Ir-semes,

JOSUÉ 2:1

I ma Josué chi uk'ojol ma Nun, are je o chila Sitim, ani'al xeutaq b'i keb' achiyab', xub'ij chke: “Jix chrilik ulew, wach u'anom, xaq i tinimit Jericó.” Xcha. Are xe'upon i ajtaqenel le pa tinimit Jericó, xe'ok chi rachoch ati Rahab, chila xkik'awsaj wi a'ab'; i ati Rahab le are jun ixoq chi kuch'ak umer chwach uch'akul.

JOSUÉ 2:2

Xwiri i winaq xe'e ru' i ajawinel re i Jericó, xkib'ij che: —Chata pe', xe'ok li keb' achiyab' aj Israel che a'ab'i chretamaxik wach u'anom qatinimit —xecha.

Jueces 13:2

Pa tinimit Zora o jun achi chi ma Manoa ub'i, ire le utzob'ajil ma Dan; i rixoqil achi le lik k'ijinaq ti rak'al man kalan taj.

Jueces 13:25

Xuk'ulmaj jun ij i a Sansón le are o chila che i k'ijib'al ipa je o wi utzob'ajil ma Dan, chi o chuxol i Zora xaq i Estaol, are uri utewal i Ajwal xutikb'a uk'utik rib' puk'aslemal a Sansón.

Jueces 16:31

Chrijil chik ile, xek'un konojel i ratz ucha' xaq konojel i rachalal a Sansón, xkik'am b'i uch'akul, xkimuq chila chuxol i keb' tinimit: Zora xaq i Estaol, chila pa jul ipa muqtal wi ma Manoa chi uqajaw. A Sansón juwinaq junab' xk'iji pa kaj-atzil aj Israel.

Jueces 17:1

O jun achi ma Micaía ub'i, jeqel chwi taq jyub' ke utzob'ajil ma Efraín.

Jueces 18:11

Are uri lajujwinaq jumo' (600) achiyab' re utzob'ajil ma Dan xe'el chila pa tinimit Zora xaq pa tinimit Estaol, konojel lik kiyijb'am b'i kib' che i ch'oj,

Jueces 18:13

Are xe'el chila xe'e che i jyub' re ma Efraín, are uri xeupon chi rachoch ma Micaía.

Jueces 18:3

Xwiri are naqaj chik je o wi che i rachoch ma Micaía xkita uch'ab'al i ala chi aj Leví, are uri xkitz'onoj che: —¿Pachin xatk'amaw li waral? ¿B'uchak at o waral che i k'ijib'ali? ¿Wach katzukuj waral?

Jueces 18:8

Are uri i jo'ob' ajtaqenel le xetzalij chub'i chila pa tinimit Zora xaq i Estaol, ipa je o wi kan kachi'il, are xeuponik, xtz'onox chke: —¿Wach xiwil ut? Are uri ike xkib'ij:

Jueces 19:1

Che taq ij le are k'amaja jun ajawinel pkiwi aj Israel, o jun achi aj Leví chi jeqel naj che i jyub' ke utzob'ajil ma Efraín. Ire le xuk'am jun ixoq re qas ti mer rixoqil chi aj Belén re i tinimit Judá.

Jueces 19:18

I achi aj Leví xub'ij: —Xa oj ik'awel, oj petnaq pa Belén chi ukwenta i Judá, koj-e k'a che i jyub' mas naj ke utzob'ajil ma Efraín, chila ipa in jeqel wi. Xink'iji chila pa tinimit Belén xwiri wo'or kintzalij b'i chi wachoch, lik inriqom ti jun chi kusujuj ink'ijib'al ipa kinwar wi che i a'ab'i.