Jueces 16:7 - Wuj Pa K'ubultzij

⁷ I a Sansón xub'ij che: —We kinyut' ru' wuqub' pach'um raxk'am chi k'a rax, kqaj uri incho'ab' xaq kin-on uri pacha jun to' winaq.

Jueces 16:7 Iomraidhean Croise

Proverbios 12:19

I winaq chi kub'ij i saq laj tzij o uk'aslemal ronojel ij saq, xwiri i t'oronel xaqte'et kk'is uk'aslemal.

Proverbios 17:7

Kmajaw ti che i jun chi nti uno'oj we lik chom taq klapanik, xaq keje uri che i jun chi lik nim u'ij we ku'an taq i t'oronik.

Romanos 3:8

Moqxa o i kb'inik: ¿Utz we kin-an i utz taj man keje ile kk'un ni uri i utz. Iri lik rajwaxik, xwiri o i keb'inik chi keje ile inb'im yin, ike xa tzel kinkilo. Ni'pa i kkib'ij ile lik kmajawik kkitoj ni kimak rumal.

Gálatas 6:7

Mixt'ortajik, mich'ob' yix moqxa kit'or i Dios, xwiri mijun kt'orowik. Man wach taq i kitiko, xaq keje uwach kimolo.

Colosenses 3:9

Xaq mit'or iwib' chiwach, man ikanam chik ni'pa i utz taj i'anom ujer; ijalwachim chik inojb'al re ujer.

Jueces 16:10

Are uri al Dalila xub'ij che a Sansón: ¡Yet xinat'oro! ¡Lik ax b'ari kinat'oro! Xwiri wo'or cha'ana utzil, chab'ij chwe wach nawi aximik chi kattiki ti chik chutorik awib'.

Jueces 16:6

Are uri al Dalila le xub'ij che a Sansón: —Cha'ana jun utzil chwe, chab'ij chwe ipa kpe wi i nim laj acho'ab' le chi lik b'isb'al ¿Wach nawi aximik k-anik man kattiki ti chik chutorik awib'?

Jueces 16:8

I kaj-atzil aj Filistea xkiya wuqub' pach'um raxk'am k'ak' che al Dalila chi lik k'ate antalik, are uri i al Dalila le xuyut' a Sansón ru' i raxk'am le.

Jueces 16:9

I al Dalila le je ruwam chik jub'an achiyab' pa ja, are uri xsik'in chub'ixkil i tziji: ¡Sansón, xe'e aj Filistea chawij! Are uri a Sansón xuraqij i raxk'am pacha taq chij el xu'an che. I aj Filistea xketamaj taj ipa kpe wi ucho'ab'.

1 Samuel 19:17

Are uri ma Saúl xub'ij che ati Mical: —¿B'uchak chi xinat'oro, man xaya b'i che wajch'oj chi x-anmaj b'ik? Are uri ati Mical xub'ij che ma Saúl: Ire lik xub'ij chi kinukamsaj we kinya tu b'i che chi k-anmajik.

1 Samuel 27:10

I ma Aquis xutz'onoj che: “¿Pachike taq tinimit xatupon wi wo'or chumajik li ub'i taq ke i winaq?” I ma David xub'ij che: “Xinupon chila pa tinimit chi o pa wiqab' che i tinimit Judá”, o moqxa pa “wiqab' che i tinimit Jerameel o moqxa pa wiqab' che ulew ke aj Ceneo.”