Jueces 16:6 - Wuj Pa K'ubultzij

⁶ Are uri al Dalila le xub'ij che a Sansón: —Cha'ana jun utzil chwe, chab'ij chwe ipa kpe wi i nim laj acho'ab' le chi lik b'isb'al ¿Wach nawi aximik k-anik man kattiki ti chik chutorik awib'?

Jueces 16:6 Iomraidhean Croise

NEHEMÍAS 6:4

Kajmul xkitaq li tzijol le, xaq yin keje ula'ik uwach ile kin-an b'i chke, chi k-antaj ti wumal.

Salmos 12:2

Kkit'or kib' chkiwach, xa keb' kipalaj xaq kech'aw ru' keb' nojb'al.

Proverbios 22:14

I uchi' ixoq chi chwach uch'akul kuch'ak wi umer keje pacha i jul chi naj upam; ipa ketzaq wi ni'pa i kek'oqox rumal i Ajwal.

Proverbios 26:28

I t'oronel laj winaq ktitat upam che i saq laj tzij; i jun chi chom kch'awik xwiri xa keb' upalaj, lik xa kuto' ch'oj uri.

Proverbios 6:26

Man ixoq chi chwach uch'akul kuch'ak wi umer, ku'an ile xa rumal ch'akb'al ch'aqap uwa, xwiri ixoq chi kumin rib' ru' jun chik achi xa are kraj utzaqsaxik.

Proverbios 7:21

Lik xtiki chuyu'uxik uxikin i ala, ru' i chomiq taq tzij.

Miqueas 7:2

Lik nti chik winaq chwach i jyub' ta'aj chi lik je suk'ulik xaq je nti chik i kkikub'a kik'ux che i Dios; konojel koy-em i ij re u'anik i ch'oj; to' chkiwach ike kkikoj i tzaqsab'al kib'.

Miqueas 7:5

Makoj taq utzij alok'anij; i lik makub'a ak'ux che jun awamiy xaq chana awib' che taq i tzij are katlapan ru' awixoqil.

Jueces 14:17

Xwiri ire lik xumayij ti o'ej chwach a Sansón che ronojel wuqub' ij chi xuch'ij i nima'ij, lik xu'an pen utz'onoxik che, rumali che uwuq ij xb'ix che wach usuk' ke'eloq. Are uri ixoq le x-ela pa'anem chub'ixkil chke i rachi'il putinimit.

Jueces 16:5

I aj-atzil ke aj Filistea xe'e chrilik al Dalila xaq xkib'ij che: —Chat'oro a Sansón xaq chatz'onoj che ipa kpe wi i nim laj ucho'ab' le chi lik b'isb'al xaq wach qatikilem che, man kqachapo xaq kqayut'u, man keje ile pqa'ab' yoj kk'iji wi. Yoj chqajujunalil kqaya jo'lajujwinaq kamo' (1,100) saqpwaq chawe tojb'al awe.

Jueces 16:7

I a Sansón xub'ij che: —We kinyut' ru' wuqub' pach'um raxk'am chi k'a rax, kqaj uri incho'ab' xaq kin-on uri pacha jun to' winaq.