Jueces 16:11 - Wuj Pa K'ubultzij

¹¹ Are uri a Sansón xub'ij chik che: —We kiniyut' ru' laso k'ak' chi kojtal taj, kqaj uri incho'ab', xaq kin-on uri pacha jun to' winaq.

Jueces 16:11 Iomraidhean Croise

Proverbios 13:3

Jun chi kujek' uchi' chub'ixkil i manal taq tzij lik kuchajij uri rib' ire; xwiri i jun chi kujek' ti uchi' chub'ixkil i manal taq tzij, utukel uri ku'an k'ax che rib'.

Proverbios 13:5

I utz laj winaq ktitat upam che i t'oronik; xwiri i utz ti laj winaq lik kuya i k'ix xaq lik kuqajsaj u'ij.

Proverbios 29:25

I xib'rikil chi o che i winaq chwach jun chik winaq ile xa jun tzaqsab'al, man ni'pa kkiya kik'ux che i Ajwal ketotaj na.

Efesios 4:25

Rumali, mit'or iwatz icha', mit'or ilok'anij; are kixlapan chiwach, xwi i saq laj tzij chilapa, man yoj qonojel xa oj jutzob'aj, xa oj jun ch'akulaj.

Jueces 15:13

Are uri ike xkib'ij che: —Saq laj tzij katqakamsaj taj, xwi kqaj katqachapo xaq katqajach pki'ab' aj Filistea. Are uri i aj Judá xkixim ru' keb' laso k'ak', te'uri xkesaj li ipa ruwam wi rib'.

Jueces 16:10

Are uri al Dalila xub'ij che a Sansón: ¡Yet xinat'oro! ¡Lik ax b'ari kinat'oro! Xwiri wo'or cha'ana utzil, chab'ij chwe wach nawi aximik chi kattiki ti chik chutorik awib'.

Jueces 16:12

Are uri al Dalila xuk'am jub'an laso k'ak', xuyut'b'ej re a Sansón, te'uri xsik'inik: —¡Sansón, xe'e aj Filistea chawij! Xaq je ruwam tan chik jub'an achiyab' pa ja. Are uri a Sansón xuraqij i laso le pacha taq uraqixik chij xu'an che.