Jueces 16:10 - Wuj Pa K'ubultzij

¹⁰ Are uri al Dalila xub'ij che a Sansón: ¡Yet xinat'oro! ¡Lik ax b'ari kinat'oro! Xwiri wo'or cha'ana utzil, chab'ij chwe wach nawi aximik chi kattiki ti chik chutorik awib'.

Jueces 16:10 Iomraidhean Croise

NEHEMÍAS 6:4

Kajmul xkitaq li tzijol le, xaq yin keje ula'ik uwach ile kin-an b'i chke, chi k-antaj ti wumal.

Proverbios 24:28

Masaqij taq jun tzij chrij awach lok'anij we qatzij taj, xaq lik matt'oronik.

Ezequiel 33:31

Keje ile, intinimit kk'unik, kkub'i chawach, pacha ax ku'an wi te'eq, re kutatb'ej atzij. Xwiri kki'an ti ile pkik'aslemal. K'iyalmul kkib'ij pacha taq kki'an b'ix che, re k'axnab'al k'uxij, xwiri i kanima xa teren chrij i mer.

Lucas 22:48

I Jesús xub'ij che: —Ma Judas, ¿Ru' b'ari jun tz'ub'anik kajach ni i pacha Winaq chi Xolalaxoq chwach Ulew pki'ab' i ajch'oj chrij?

Jueces 16:11

Are uri a Sansón xub'ij chik che: —We kiniyut' ru' laso k'ak' chi kojtal taj, kqaj uri incho'ab', xaq kin-on uri pacha jun to' winaq.

Jueces 16:13

Are uri al Dalila xub'ij chik che a Sansón: —¡Lik k'a kattijin chint'orik! ¡Lik kamayij ti b'ari int'orik! ¡Chab'ij chwe wach ayut'ik kin-ano man kattiki ti chik chutorik awib'! Are uri a Sansón xub'ij che: —Are i ka'ano, rajwaxik ka'an wuqub' pach'um che inwi ru' jun k'ul chi o che i jitz'b'al k'ul, te'uri kach'ik jun estaka pulew puwi i k'ul chi apach'um ru' inwi; keje ile kqaj uri incho'ab' xaq kin-on ni uri pacha jun to' winaq. Are uri al Dalila xuwarsaj ma Sansón xaq xu'an wuqub' pach'um che uwi ru' jun k'ul chi o che i jitz'b'al k'ul.

Jueces 16:7

I a Sansón xub'ij che: —We kinyut' ru' wuqub' pach'um raxk'am chi k'a rax, kqaj uri incho'ab' xaq kin-on uri pacha jun to' winaq.

Jueces 16:9

I al Dalila le je ruwam chik jub'an achiyab' pa ja, are uri xsik'in chub'ixkil i tziji: ¡Sansón, xe'e aj Filistea chawij! Are uri a Sansón xuraqij i raxk'am pacha taq chij el xu'an che. I aj Filistea xketamaj taj ipa kpe wi ucho'ab'.