Jueces 16:1 - Wuj Pa K'ubultzij

¹ Xuk'ulmaj jun ij i a Sansón x-e pa tinimit Gaza, chila xril wi uwach jun ixoq chi chwach uch'akul kuch'ak wi umer, are uri xok ru' chi rachoch xaq xwar kan jun a'ab' ru'.

Jueces 16:1 Iomraidhean Croise

GÉNESIS 10:19

I uchi' i kulew xjeqan b'i pa Sidón xupon k'a pa Gerar xaq pa Gaza; pusuk' b'i Sodoma, Gomorra, Adma, Zeboim, uponnaq k'a pa Lasa.

Proverbios 7:8

Are xupon che uxol b'e, i ala le xu'axuj uwach i b'e are xumaj b'i i b'e chi k-e chi rachoch i utz ti laj ixoq le.

JOSUÉ 15:47

I nim laj tinimit Asdod rachi'ilam ral taq utinimit xaq ukomon chi o chrij chwach; Gaza rachi'ilam ral taq tinimit xaq ukomon chi o chrij chwach k'a uponnaq chi b'eya Egipto xaq k'a chi taq uchi' i mar Mediterráneo.

Jueces 1:18

Xaq utzob'ajil ma Judá xetiki ti chuk'amik i tinimit Gaza junam ru' ronojel ukomon, tinimit Ascalón junam ru' ronojel ukomon xaq i tinimit Ecrón junam ru' ronojel ukomon.

Jueces 14:1

Xuk'ulmaj jun ij chi a Sansón x-e pa tinimit Timnat, chila xril wi uwach jun ali aj Filistea chi lik x-e uk'ux che.

Jueces 16:2

I winaq chi aj pa Gaza are xkinab'ej chi ma Sansón o pkitinimit, xkisutij rij i tinimit xaq xkichajij i okb'al man keje ile mijun winaq kel b'ik xaq mijun kok b'ik. Lik jun ij xkich'ij chuchajixik i okb'al re i tinimit. Are xok a'ab xe'uxlanik man xkich'ob'o chi k'a ksaqirik kkikamsaj.