Jueces 15:5 - Wuj Pa K'ubultzij

⁵ Are uri xunak' a' che i antorcha, te'uri xero'taj b'i pa taq kitikon aj Filistea. Keje uri ile chi xk'at b'i ronojel ki-trigo aj Filistea chi kit'ub'am chik uchi' xaq ronojel ni'pa i k'amaja kkik'atzij, xaq xk'at ne b'i uva xaq i olivo.

Jueces 15:5 Iomraidhean Croise

2 Samuel 14:30

Are uri ma Absalón xub'ij chke i rajchak: —¡Jix prulew ma Joab chi o chutzal i wulew yin chi utikom i cebada chwach, chinak'a a' che! Are uri i rajchak ma Absalón le xe'e chunak'ik a' che utikon ma Joab, chrij pacha i taqanik chi xya' chke,

ÉXODO 22:6

Jun winaq we xro'taj b'i a' pa taq es, we xuk'at b'i uwach i tikon chi moltal chik uchi' xaq we k'a o chwi raqan, we xk'at b'i uwach ulew, saq laj tzij i winaq chi xo'taw b'i a' le, lik kutoj ni ronojel ni'pa i xk'atik.

ÉXODO 23:11

xwiri che uwuq junab' matik uwach awulew le, chawuxlansaj, man ni'pa i winaq je nib'a'ib' chi je o pa tinimit kewa ni chwach, xaq chikop aj pa taq es kkitij ni wach kkiya kan i winaq, xaq keje ile cha'ana pa tikb'al a-uva xaq pa tikb'al a-olivo.

Jueces 15:4

Are uri x-e chkichapik jo'lajujwinaq (300) ixim utiw, te'uri xuxim kije pa taq kakab' xaq xuxim b'i antorcha chuxol i kije le.

Jueces 15:6

Are uri konojel aj Filistea xe'ok chuch'ob'ik raqan pachin x-anaw i k'atanik le. Are xketamaj chi are a Sansón x-anawik, anb'al uk'exel i utz taj chi x-ani che ire rumal i uqajaw i ali, chi xuya b'i umi'al che jun chik ala. Are uri konojel aj Filistea xe'e chunak'ik a' che i ali xaq che uqajaw.