Jueces 15:10 - Wuj Pa K'ubultzij

¹⁰ Are uri konojel i winaq aj Judá xkitz'onoj chke aj Filistea: —¿B'uchak xixk'un chu'anik ch'oj qu' yoj? I aj Filistea xkib'ij: —Yoj xojk'un chutzukuxik xaq chuchapik a Sansón man kutoj ronojel ni'pa i x-on chqe.

Jueces 15:10 Iomraidhean Croise

Jueces 15:11

I aj Judá are xkita ile, xkitaq b'i lajujwinaq wuqmo' (3,000) achiyab' chutzukuxik a Sansón pa pek chi o chila pa nimaq taq ab'aj che i k'ijib'al Etam, are xeuponik, xkib'ij che: —¿Xatab'a aweta'am taj chi aj Filistea lik o kicho'ab' chqawach yoj? ¿B'uchak chi xojamin chupam i ch'oji? Are uri a Sansón xub'ij chke: —Pacha xki'an ike chwe yin xaq keje ile xin-an yin chke.

Jueces 15:8

Rumali chi lik x-e chkij ru' jun nim laj roywal, lik je k'i xeukamsaj. Te'uri x-e pa jeqelem pa jun pek chi o chila pa nimaq taq ab'aj che i k'ijib'al Etam.

Jueces 15:9

Are uri xe'el b'i aj Filistea, xe'uxlan pa Judá xaq xkikichersaj b'i kib', xupon kichi' k'a Lehi.

1 Samuel 23:12

Are uri ma David xutz'onoj che: ¿Kojkijach nawi i winaq aj Keila pu'ab' ma Saúl yin xaq konojel inwinaq? Are uri i Ajwal xub'ij: —Lik kixkijach na.