Jueces 14:2 - Wuj Pa K'ubultzij

² Are xtzalij b'i ru' ja xub'ij chke uqajaw uchuch: —Chi'ana utzil chwe, chiyijb'a ronojel ni'pa rajwaxik re jun k'ulankil man yin kink'uli ru' jun ali aj Filistea, chi xwil uwach chila pa tinimit Timnat.

Jueces 14:2 Iomraidhean Croise

GÉNESIS 21:21

I tz'inilik jyub' chaqij le ipa xjeqi wi are Parán; i ati Agar xuk'ulb'a i ralab' le ru' jun ixoq aj Egipto.

GÉNESIS 34:4

Are uri xub'ij a Siquem che uqajaw chi ma Hamor: —Ta, kwaj yin kakoj intzij chwach uqajaw al Dina man kwaj kin-an wixoqil che —xcha.

GÉNESIS 38:6

Te'uri ma Judá xutzukuj rixoqil i uk'ojol atz chi a Er, i rixoqil a Er le al Tamar ub'i.

2 Reyes 14:9

Xwiri ma Joás xutaq ub'ixkil i tziji che: “I k'ix xub'ij che i che' chakalte' chi o chwi taq jyub' Líbano: Chaya ami'al che ink'ojol, man ku'an rixoqil che. Xwiri jun itzel chikop xik'aw chila xuya'ya kan i k'ix le.

JEREMÍAS 29:6

Chixk'ulanoq, chalax ni iwak'al alab'om xaq altom, xaq ike le chek'ulanoq xaq chalax ni kak'al xaq lik chixk'iyaroq, lik mix-ob'ik.

Jueces 14:1

Xuk'ulmaj jun ij chi a Sansón x-e pa tinimit Timnat, chila xril wi uwach jun ali aj Filistea chi lik x-e uk'ux che.

Jueces 14:3

Xwiri uqajaw uchuch xkib'ij che: —¿Wach uchak kat-e taq chutzukuxik awixoqil chkixol aj Filistea chi kkikoj ti u'ij i Dios? ¿Xatab'a nti chik altom chkixol i qachalal xaq chkixol konojel aj Israel? —Xecha che. Xwiri a Sansón xub'ij chke: —I ali le lik qus kwilo, rumali lik kwaj chi kik'ama chwe re wixoqil.