Jueces 1:2 - Wuj Pa K'ubultzij

² I Ajwal xub'ij chke chi are utzob'ajil ma Judá ke'e chu'anik ch'oj nab'e man i ulew le lik chke ike kuya wi.

Jueces 1:2 Iomraidhean Croise

NÚMEROS 2:3

Konojel utzob'ajil ma Judá chi je yij che i ch'oj kek'iji ni chuxe' i kik'ul chi kuk'utb'ej ki'ij pusuk' i relb'al ij, achiyab' chi je yij che i ch'oj re ulemajil ma Judá, are kaj-atzil i ma Naasón chi uk'ojol ma Aminadab,

NÚMEROS 7:12

Che i nab'e ij xuk'am b'i usipon ma Naasón, chi uk'ojol ma Aminadab, chi kikwenta utzob'ajil ma Judá.

Hebreos 7:14

Ujer, mijun chke umuq uxikin i mam Judá xki'an i chak re rajpatan i Dios, man i mam Moisés xuya ti kan i patan le pki'ab' ike.

JOSUÉ 2:24

xaq xkib'ij che: I Ajwal ujachom i tinimit pqa'ab' man konojel i winaq lik ketzaq chik pulew rumal kixib'rikil chqe. Xecha.

Apocalipsis 5:5

Te'uri o jun chke i nimaq taq winaq xub'ij chwe: “Chamayij o'ej, chi o wi ire chi kmajaw che kujaq i wuj. Ire le are i Cristo aj Israel winaq chi koy-em, are i Jun chi umuq uxikin kan i ajawinel ma David. Ire le o ucho'ab' pacha jun koj, man uqajsam ucho'ab' Itzel; rumal uri o pu'ab' kuraqch'ij i wuqub' sello xaq kujaq i wuj.” Xub'ij chwe.

Jueces 1:3

Are uri i je utzob'ajil ma Judá xkib'ij chke i katz kicha' chi je are utzob'ajil ma Simeón, chi kkijunamsaj kicho'ab' chuk'amik kan ulew chi kya' chke ike chi je utzob'ajil ma Judá, te'uri junam tan chik kkik'am kan ulew chi kya' chke utzob'ajil ma Simeón. I je utzob'ajil ma Simeón le utz xkita wach xb'ix chke, rumali xkiya kiwach ku' utzob'ajil ma Judá.

Jueces 20:18

I aj Israel xe'e pa tinimit Betel chutz'onoxik che i Dios pachin taq tzob'ajil kki'an ch'oj nab'e ku' utzob'ajil ma Benjamín. I Ajwal xub'ij chke chi are utzob'ajil ma Judá k-e chu'anik ch'oj nab'e.