Jueces 1:18 - Wuj Pa K'ubultzij

¹⁸ Xaq utzob'ajil ma Judá xetiki ti chuk'amik i tinimit Gaza junam ru' ronojel ukomon, tinimit Ascalón junam ru' ronojel ukomon xaq i tinimit Ecrón junam ru' ronojel ukomon.

Jueces 1:18 Iomraidhean Croise

1 Reyes 4:24

Man ma Salomón krajawin puwi ronojel ulew chi o puqajb'al ij chila pa Éufrates, kjeqan b'i che i tinimit Tifsa, kupon k'a che i tinimit Gaza, xaq o pkiwi konojel i ajawinelab' re i k'ijib'al le. Ma Salomón lik nti ch'oj xu'an ku' konojel i winaq chi je o chila.

ÉXODO 23:31

Uchi' itinimit kjeqan b'i chuchi' i Mar Kaq, kupon k'a chuchi' i Mar ke aj Filistea kjeqan chali uchi' pa tz'inilik jyub' chaqij kupon k'a chuchi' i raqana Éufrates, man ni'pa je o chwach ulew le keinjach ni pi'ab', yix keiwesaj nu b'ik.

JEREMÍAS 25:20

Xaq chke i jalajuj taq winaq chi je o chila, xaq chke konojel i ajawinelab' re i tinimit Uz xaq che i kulew aj Filistea: Ascalón, Gaza, Ecrón xaq ni'pa i kanajnaq kan re i Asdod,

JEREMÍAS 47:5

I winaq re Gaza kkisol b'i kiwi che kijolom, i winaq re Ascalón kekanaj na chi kel ti chik kich'awb'al. K'isb'al chik winaq chi naj kij re ujer, ¿K'a junpa ka'at ni ach'akul k'utb'al re uk'axk'ol?

Deuteronomio 2:23

Xaq keje xkik'ulmaj aj Jiw chi je jeqel te'eq pa taq komon naqaj che i Gaza, chi xchup kiwach kumal aj Filistea, i aj Filistea le je petnaq pa Creta xwiri xejeqi chila pa Gaza.

JOSUÉ 11:22

Mijun chke i je aj Anab xk'asi kan chwach kulew i je aj Israel; xwi xekanaj kan i je umuq uxikin ma Anac chi lik naj kij chi je o pa Gaza, je o pa Gat, xaq i je o pa Asdod.

JOSUÉ 13:3

chi kupon uchi' k'a chi raqana Sihor chi o prelb'al ij che i Egipto, uponnaq k'a chuchi' kulew je aj Ecrón chila pa moxab', chi kulew aj Canaán kb'ixik; chwach ulew le je o jo'ob' ajawinelab' ke je aj Filistea: Ajawinelab' ke je aj Gaza, ajawinel ke je aj Asdod, ajawinel ke je aj Ascalón, ajawinel ke je aj Gat xaq aj ajawinel ke je aj Ecrón. Xaq k'amaja kamaj kan kulew je aj Ava,

JOSUÉ 15:11

Te'uri k-e pa moxab' che uwa jyub' Ecrón, xaq kupek'ij chub'i pa Sicrón, kik'aw che i jyub' Baala, ke'el k'a pa Jabneel, kek'is uchi' ulew le k'a chuchi' i mar Mediterráneo.

Jueces 14:19

Chrijil chik ile, Utewal i Ajwal xqaj puwi a Sansón, are uri x-e pa tinimit Ascalón, chila xeukamsaj wi lajuj juwinaq (30) achiyab'; are je kamnaq chik xresaj li ki'u' chkij, xuya chke lajuj juwinaq (30) alab'om chi xkib'ij usuk' i nanik tzij che. Te'uri xpe jun nim laj roywal, x-e chi kachoch uqajaw uchuch.

Jueces 16:21

Are uri aj Filistea xkichapo xaq xkesaj b'i ub'a'wach chekeb', xaq xkik'am b'i pa tinimit Gaza, chila xkiyut' wi ru' karena anch'ich' xaq xkitaq chuchaqik tzi ru' chaqb'al re, chila prexil.

Jueces 3:3

Keje uri ile chi xekanaj kan jo'ob' ajawinelab' aj Filistea, konojel aj Canaán, aj Sidón xaq aj Jiw chi je jeqel te'eq chwi taq jyub' Líbano, chi kjeqan b'i uchi' che i jyub' Baal-hermón k'a che i okb'al chi Hamat ub'i.

1 Samuel 6:17

I jo'ob' uk'exwach sipoj an-o'oj chi xkisujuj aj Filistea che i Dios rumal kuyb'al kimak, ke'eloq chi jujun ke i tinimit, xkiya'o chi je are iri: Asdod, Ascalón, Gaza, Gat xaq i Ecrón.