Jueces 1:12 - Wuj Pa K'ubultzij

¹² I ma Caleb ub'im chi pachin keukamsaj aj Quiriat-sefer kujach umi'al al Acsa che re rixoqil.

Jueces 1:12 Iomraidhean Croise

Salmos 60:9

¿Pachin kinuk'am nu b'i pa tinimit chi sutim rij ru' tapial nim uwach? ¿Pachin kinuk'am nu b'i k'a pa Edom?

JEREMÍAS 29:6

Chixk'ulanoq, chalax ni iwak'al alab'om xaq altom, xaq ike le chek'ulanoq xaq chalax ni kak'al xaq lik chixk'iyaroq, lik mix-ob'ik.

JOSUÉ 15:15

Chrijil chik ile, xpaqi b'i chu'anik ch'oj chkij ni'pa i je o pa Debir; chi ujer Quiriat-sefer ub'i te'eq.

Jueces 1:11

Te'uri xki'an ch'oj ku' i winaq chila pa tinimit Debir, chi Quiriat-sefer te'eq ub'i.

Jueces 1:13

Are a Otoniel, chi uk'ojol ma Cenaz, xtiki chkikamsaxik i winaq chila pa Debir. I ma Cenaz le ucha' ma Caleb. Are uri ma Caleb xuya umi'al chi al Acsa che a Otoniel re rixoqil.

1 Samuel 17:25

xaq xkib'ij: “¿Xiwil i achi le chi lik arewi kuto'ta qoywal? Pachin jun kukamsaj ma Goliat le, i ajawinel kuya ni k'iyal b'eyomal che, kuya ni umi'al che re rixoqil xaq i ralk'uwal kkitoj ti chik alkawal uri.”

1 Samuel 18:23

Are uri i je rajpatan ma Saúl xekib'ija ronojel ile che a David, xwiri a David xub'ij iri chke: —¿Kich'ob' b'a yix chi lik k'ax ti ile, chi jun winaq pacha yin chi lik nib'a' xaq lik nti u'ij k-e taq puji' jun ajawinel?