JOSUÉ 13:8 - Wuj Pa K'ubultzij

⁸ I utzob'ajil ma Rubén, utzob'ajil ma Gad xaq i nik'aj chke utzob'ajil ma Manasés, yatal chik kulew ike le rumal i etz mam Moisés, chi rajchak i Ajwal, xuya ulew chke chi o prelb'al ij che i Jordán.

JOSUÉ 13:8 Iomraidhean Croise

NÚMEROS 32:19

Man i qulew yoj are o jewa, xkanaj prelb'al ij che i raqana Jordán, rumali kqakoj ti uch'ojil qulew jela ch'aqa ya Jordán.

Deuteronomio 3:8

Keje u'ankil uri ile chi che taq i ij le, xetzaq i jalajuj taq tinimit pqa'ab' chi kitinimit i keb' ajawinel aj Hamor, chi je jeqel chila prelb'al ij che i raqana Jordán xjeqan li chi raqana Arnón, xupon k'a chwi jyub' Hermón.

JOSUÉ 12:1

Iri are i ajawinelab' chi aj Israel xetiki chkich'akik chi o kulew prelb'al ij che i raqana Jordán, kjeqan li uchi' ulew chi b'eya Arnón kupon k'a chwi jyub' Hermón, ru' ronojel ulew chi o puqajb'al ij re uwa ta'aj re i Jordán.

JOSUÉ 12:6

I je aj Israel ujer ru' utaqanik i etz mam Moisés xekikamsaj i keb' ajawinelab' le xaq i kiwinaq. Te'uri i ma Moisés, chi rajchak i Ajwal, xujach i ulew le chke i je utzob'ajil kan ma Rubén xaq i je utzob'ajil kan ma Gad xaq nik'aj chke i utzob'ajil kan ma Manasés.

JOSUÉ 13:7

Man are chik ij iri chi kumajo kajach ulew le chke i je b'elejeb' tzob'aj xaq nik'aj chke utzob'ajil ma Manasés.

JOSUÉ 13:9

I ulew le chi xya' chke, kjeqan li uchi' pa Aroer chi o chuchi' i b'eya Arnón xaq i tinimit chi o chwa ta'aj, xaq ronojel i jyub' ta'aj uwi chi Medeba, uponnaq k'a pa Dibón,

JOSUÉ 22:4

Wo'or i Ajwal xu'an ut pacha ub'im, man xuya i uxlanem chke iwatz icha', chixtzalij uri chi iwachoch chila chwach iwulew chi uya'om kan etz mam Moisés chi rajchak i Ajwal chiwe, chila prelb'al ij che i raqana Jordán

JOSUÉ 4:12

I achiyab' chi je yij che i ch'oj chi je umuq uxikin kan ma Rubén, je umuq uxikin kan ma Gad xaq nik'aj chke umuq uxikin kan ma Manasés, xaq xki'axuj i raqana i xenab'ej chub'i chkiwach konojel i aj Israel, chrij pacha i taqanik uya'om kan etz mam Moisés chke.

1 Samuel 13:7

Je k'i chke aj Israel le xki'axuj i raqana Jordán, enam ke pa tinimit Gad xaq pa tinimit Galaad; xwiri ma Saúl xkanaj kan pa tinimit Gilgal junam ku' konojel achiyab' chi je yij che i ch'oj, lik kixijom kib'.