JONÁS 3:3 - Wuj Pa K'ubultzij

^3-4 Ma Jonás xumaj b'i ub'e, x-e pa Nínive, keje pacha xub'ij i Ajwal che. I Nínive are te jun tinimit lik nim, we k-an b'inik chupam ronojel i tinimit k-an oxib' ij che. I ma Jonás xok pa tinimit i lik jun ij xb'inik, i lik xsik'in chub'ixkil: “¡Che i kawinaq (40) ij i tinimit Nínive ksachsax ni uwach!”

JONÁS 3:3 Iomraidhean Croise

GÉNESIS 22:3

I mam Abraham lik we' xwalijik, xuwiq b'i u'axna, xaq xumut b'i si' re porb'al sipon. Xeuk'am b'i keb' chke umokom ru' xaq i uk'ojol chi a Isaac, xe'e che i k'ijib'al ipa b'ital wi che rumal i Dios.

GÉNESIS 30:8

Xub'ij ati Raquel: “Ru' nim laj cho'ab' xin-an ch'oj ru' i watz, xwiri xinqajsaj u'ij.” Rumali xuya pub'i i ukab' rak'al le a Neftalí.

Salmos 36:6

I suk'ulik chi ka'ano keje pacha i nimaq taq jyub', i ataqanik keje pacha i nim laj mar, chi lik cho upam; yet Ajwal katchajiw ni'pa i winaq xaq ni'pa i chikop.

Salmos 80:10

Xuch'uq uwi i nimaq taq jyub' ru' umujal, xaq i u'ab' xuch'uq uwi i nimaq taq che'.

ISAÍAS 37:37

Are uri ma Senaquerib, chi ajawinel re i tinimit Asiria, xtzalij chub'i pa tinimit Nínive, chila xkanaj wi.

JONÁS 1:2

“Jat, jat chila che i nim laj tinimit Nínive i chatzijoj chke chi kinsachsaj kiwach, man k'a wu' Yin k'unnaq wi utzijol re i kimak atzalal.”

JONÁS 4:11

Lik kmajawik chi kwil ni tob'al uwach i tinimit Nínive, man che i nim laj tinimit le je o mas che jo'lajujchiy (120,000) ak'alab' chi nti kimak xaq je o uk'iyal taq chikop.

2 Timotéo 4:11

Xwi i ma Lucas o chi wu' yin. Chatzukuj li ma Marcos, xaq chak'ama li waral man kinuto che inchak.