JONÁS 3:2 - Wuj Pa K'ubultzij

² Jat, jat che i nim laj tinimit Nínive i chatzijoj chke wach i kinb'ij chawe.

JONÁS 3:2 Iomraidhean Croise

Ester 9:31

chupam i wuj le tz'ib'talik chi kki'an ni i nima'ij re Purim che taq i ij chi ch'iktalik, chrij pacha i taqanik chi xuya ma Mardoqueo xaq ati ajawinel Ester chke ike xaq chke kimuq kixikin. Xaq xkiya i taqanik chi che taq i ij le, kkitij ti kiwa xaq lik ke'o' na rumal ni'pa xkik'ulmaj.

ÉXODO 4:28

Are uri ma Moisés xulap che ma Aarón, ronojel wach xb'ix che rumal i Dios chi ku'ano, xaq ronojel i nimaq taq anik chi xtaq che.

JEREMÍAS 1:17

Xaq yet lik cha'ana ko che awach, jat xaq chab'ij chke ronojel wach xatintaq yin chub'ixkil. Maxij awib' chke, man we kakowij ti awib' yin kin-an chawe chi lik katb'arb'at chkiwach ike.

JEREMÍAS 1:7

Xwiri i Ajwal xub'ij chwe: “Mab'ij ile chi k'a at ak'al. Yet kat-e na ipa katintaq wi b'ik, xaq kab'ij na wach katintaq chub'ixkil.

Ezequiel 2:7

Yet chatzijoj intzij chke, tupu katkikojo o katkikoj taj man lik je b'uy.

Ezequiel 3:17

“Yet, winaq, yin at inya'om kan pa chajinel re i tinimit Israel. Are kinb'ij jun tzijonik chawe, o uchak chi katzijoj pinb'i yin, man keje ile kketamaj.

JONÁS 1:2

“Jat, jat chila che i nim laj tinimit Nínive i chatzijoj chke chi kinsachsaj kiwach, man k'a wu' Yin k'unnaq wi utzijol re i kimak atzalal.”

JONÁS 3:1

I Ajwal xu'ijla chik ukamul ma Jonás, i xub'ij che:

JONÁS 3:3

Ma Jonás xumaj b'i ub'e, x-e pa Nínive, keje pacha xub'ij i Ajwal che. I Nínive are te jun tinimit lik nim, we k-an b'inik chupam ronojel i tinimit k-an oxib' ij che. I ma Jonás xok pa tinimit i lik jun ij xb'inik, i lik xsik'in chub'ixkil: “¡Che i kawinaq (40) ij i tinimit Nínive ksachsax ni uwach!”

Mateo 3:8

Chik'utu iwib' ru' wach taq i ki'ano, we lik ijalwachim chik inojb'al chwach i Dios.

Juan 5:14

Chrijil chik ronojel ile i Jesús xuriq i achi le, prachoch i Dios, xub'ij che: —Chata pe', wo'or chi at utzirnaq chik matmakun chik, man keje ile kpe ti chik jun k'ax pawi chi lik mas nim chwach ile —xcha.