JONÁS 1:9 - Wuj Pa K'ubultzij

⁹ Ma Jonás xula' uwach chke: —Yin in aj Hebreo, i kinkoj u'ij i Ajwal Dios aj chikaj, chi anawnaq i mar xaq i ulew.

JONÁS 1:9 Iomraidhean Croise

GÉNESIS 1:10

I Dios xuya pub'i i chaqij le Ulew, i uk'iyal ya chi xumol rib', xuya pub'i “mar”. I Dios xrilo chi lik utz ile.

GÉNESIS 14:13

Are uri jun chke i jub'an chi xkich'ij anmajik, x-e chub'ixkil che ma Abram chi aj Heber; chi ma Lot xchaptaj kumal i ajch'oj, i ma Abram le jeqel chila naqaj che i nimaq taq sik'al re i ma Mamre, chi aj Hamor, katz kicha' kib' ru' ma Escol xaq ma Aner. Ike le kiya'om kiwach ru' ma Abram.

GÉNESIS 24:7

I Ajwal Dios chi rajaw i kaj, xinresaj li chi rachoch inqajaw xaq che kulew wachalal, lik xub'ij chwe chi kuya ulewi chke inmuq inxikin; i Ajwal le kutaq nu b'i u-ángel chawach, man kuk'ut ni chawe pachin ali kak'am li che ink'ojol re rixoqil.

GÉNESIS 39:14

xeusik' la ajchakib' chi kechakun chila ru' ja, xub'ij chke: —Chiwila pe', i achi aj Hebreo chi xukoj li wachijil pqachoch xa xoluqajsaj qa'ij, xok li wu' pa ja lik xraj xumin rib' wu', xwiri yin ko xinsik'inik.

2 Reyes 17:25

Xwiri are xeupon i winaq le pa jeqelem chila, ike le kkikoj ti u'ij i Ajwal, rumali i Ajwal xeutaq b'i jub'an koj chi kekikamsaj i winaq le.

2 Reyes 17:28

Are uri jun chke i ajsujul sipon chi kesam li Samaria, x-e chik chila pa tinimit Samaria, pa jeqelem pa tinimit Betel; ire xuk'ut chke i winaq le wach taq ukojik u'ij i Dios.

Esdras 1:2

“Ma Ciro, chi ajawinel ke aj Persia, kusaqij iri: I Ajwal, chi Dios aj chikaj, xuya ronojel i ajawinik pin-ab' puwi ronojel uwach i jyub' ta'aj, xaq xuya chinqul uyakik jun rachoch chila Jerusalén, chi o pa Judá.

Esdras 5:11

Ike xkib'ij chqe chi kkikoj u'ij i Dios aj chikaj xaq aj uwach ulew, xaq ketijin tan chik chuyakik jun rachoch i Dios chi ujer xyaki te'eq rumal jun nim laj ajawinel aj Israel.

NEHEMÍAS 1:4

Are xinta ronojel ile, xinkub'i che o'ej, lik keb' oxib' ij chi xinb'isonik, xinmayij wa'im chutz'onoxik che i Dios aj chikaj.

NEHEMÍAS 2:4

Are uri i ajawinel xub'ij: —¿Wach kin-ano tob'al awe yet? Are uri yin xinya wib' pu'ab' i Dios aj chikaj,

NEHEMÍAS 9:6

I ma Esdras xub'ij: Yet at Ajwal, lik nti chik jun chik. Yet xa'an i nim laj kaj, xaq ni'pa i ch'umil chi je o chikaj; yet xa'an i jyub' ta'aj xaq ronojel ni'pa i o chwach, xa'an i mar xaq ronojel ni'pa i o chupam. Yet kaya kik'aslemal konojel ni'pa je o chwach jyub' ta'aj. Rumali chi ni'pa i ch'umil chi je o chikaj lik kkikoj a'ij.

Job 1:9

Xwiri i Itzel xub'ij che: —Ma Job le utzi u'anik upatan ku'an chawij man xa o kraj.

Salmos 136:26

¡Chitioxij che i Dios aj chikaj, man i k'axnab'al uk'ux lik ronojel ij saq uwach!

ÉXODO 1:15

Chila pa Egipto je o keb' parterab' je aj Hebreo chi are tit Sifra xaq i tit Fúa. I ajawinel re i tinimit le xlapan ku' i parterab', xub'ij chke:

ÉXODO 2:13

Chukab' ij xel chub'ik, xaq xeril chik keb' achiyab' je aj Hebreo kki'an ch'oj chkiwach, are uri xub'ij che i jun chi kch'ayanik: —¿B'uchak kach'ay awach aj Hebreo?

Daniel 2:44

Che i ki'ajawinik i ajawinelab' le, i Dios aj chikaj ku'an ni jun k'ijib'al re ajawinik chi lik kwulijsax taj xaq lik nti jun chik tinimit kuya taq rib' puwi, are ni Ire kusach ni kiwach konojel i jub'an chik ajawinik, xaq lik nti uk'isik ronojel ij saq.

Oseas 3:5

Chrijil iri ketzalij chik i aj Israel xaq kkitzukuj ni Ajwal chi ki-Dios xaq i ma David chi kajawinel. Pa k'isb'al taq ij kkitzukuj ni chik i Ajwal xaq ronojel i ub'itaq ke chi are ire kyawik.

Hechos 14:15

Chita pe', ¿B'uchak ki'an ile? Yoj xa oj winaq pacha yix. Rumal ne ile xojk'un waral chutzijoxik i utz laj tzij k'ak' chiwe chi chimayij u'anik ile man lik nti uchak, are i chi'ana, chitzukuj i k'aslik Dios chi are x-anaw i kaj, i jyub' ta'aj, i mar xaq ronojel ni'pa i olik.

Hechos 27:23

Man i Dios xutaq li jun ángel wu' cha'ab', i Dios le chi in o pu'ab' xaq are kin-an inpatan chrij.

Filipenses 3:5

Yin, are o wajxaqib' ij chwe, xki'an i circuncisión le chwe. Lik in aj Israel winaq, in umuq uxikin kan i mam Benjamín; lik in aj Hebreo winaq che walaxik, inqajaw inchuch je aj Hebreo winaq; lik xinkoj u'ij i atb'al tzij tz'ib'tal kan rumal i mam Moisés, man in aj Fariseo, xaq lik xinya ink'ux che ile.

Apocalipsis 11:13

Are uri juntir xpe jun nim laj kab'raqan; ni'pa i ja pa tinimit, xewulij lajuj unimal che i tinimit. Je lajujwinaq wuqlajujmo' (7,000) winaq xekam ni rumal i kab'raqan le. Ni'pa i winaq chi k'a xek'asi kanoq, lik xkixij ni kib'; te'uri lik xkikoj ni u'ij i Dios aj chikaj.

Apocalipsis 15:4

Ajwal: ¿O nawi jun kuxij ti rib' chawe? Ntaj. ¿O nawi jun kukoj ti a'ij? Ntaj. Xwi yet at lo'laj Dios, rumali, konojel ni'pa i tinimit chwach i jyub' ta'aj kek'un ni chawach xaq kkikoj ni a'ij, konojel kilom chi ni'pa i a'anom is utz, is suk'ulik.” Keje ile xkib'ixaj chwach i Dios.

Apocalipsis 16:11

Xwiri, lik xkimayij ti u'anik i utz taj chi kki'ano, xa k'ax xech'aw chrij i Dios aj chikaj rumal i ch'ak o chke xaq rumal taq uk'axk'ol.