JONÁS 1:6 - Wuj Pa K'ubultzij

⁶ Are uri i aj-atzil ke i winaq chi kok'am i barco x-e chila ipa o wi ma Jonás, xub'ij che: —¿Wach ka'an yet chi, chi to' waram ka'ano? ¡Chatwalijoq xaq chatz'onoj che a-Dios! Moqxa kraj kojrilo xaq kojuto.

JONÁS 1:6 Iomraidhean Croise

2 Samuel 12:22

Are uri ma David xub'ij chke: —Are k'a k'as i ak'al, yin xino'ik xaq xinmayij wa'im chutz'onoxik che i Dios, man xinch'ob'o chi moqxa kril tob'al inwach i Dios, keje ile kkam ti i ak'al.

Ester 4:16

“Jat xaq chamolo kichi' konojel aj Israel chi je o Susa, mkitij kiwa xaq mkitu' kiya' che oxib' ij xaq che oxib' a'ab' chutz'onoxik che i Dios pinwi yin. Yin xaq i wajke'elab' xaq keje ni ile kqa'ano, chrijil chik ile, kin-e ni chrilik i ajawinel, tupu are ti kub'ij i atb'al tzij ile. We kinkamsaxik, chinkamsax ni uri.”

Salmos 107:6

Xwiri chupam ib'is xitz'onoj itob'al che i Ajwal, Ire xixresaj chupam i k'ax.

Salmos 78:34

We i Dios ku'an chke chi kekamik, te'uri ike ke'ok chutzukuxik i Dios; ketzalij chik ru' xaq kkimayij ti utzukuxik;

ISAÍAS 3:15

¿B'uchak kiya intinimit puyej, xaq lik ki'an k'ax chke i nib'a'ib'?” Iri are kub'ij i Ajwal chi ronojel ktiki che.

Ezequiel 18:2

“¿B'uchak pa tinimit Israel kkimayij ti ub'ixkil i tziji chi kub'ij: I qajawxelab' kkitij i uva chi lik ch'am i kak'al xa ku'an k'ax che kiware”?

Joel 2:11

I Ajwal, nab'e chkiwach uwinaq chi je yij che i ch'oj, ku'ano chi ktataj uch'awb'al chi pacha uch'awb'al jab'. Lik je k'i uwinaq chi je yij che i ch'oj; lik nti kisuk' i jub'an chi kki'an utaqanik. ¡Lik nim xaq lik b'isb'al i ij re i Ajwal! Lik mijun kch'ijawik.

AMÓS 5:15

¡Tzel chiwila i utz taj! ¡K'ax china i utz! Chikojo retalil chi pa taq atb'al tzij k-an i atb'al tzij; moqxa keje ile i Ajwal, Dios chi ronojel ktiki che, kuya ni k'axnab'al uk'ux chke i kek'asi ni kan pa tinimit Israel.

JONÁS 3:8

Are chi'ana, chikojo i'u' as iwonojel k'utb'al re i b'is xaq chi'ana i tz'onb'enik che i Dios ru' ronojel icho'ab'. Chijujunal chiya kan i utz ti laj ik'aslemal xaq i ch'oj chi kixtijin chu'anik k'a arewi wo'or;

JONÁS 3:9

moqxa i Dios kujalwachij uch'ob'onik xaq kik'aw i roywal, keje ile kojkam taj.”

Hechos 21:13

Xwiri i ma Pablo xub'ij chqe: ¿B'uchak kixo'ik xaq lik kipetsaj inb'is? Rumal i Ajwal Jesús yin lik kinya wib' chke kinkiyut'u xaq kinya ne wib' chke we kinkikamsaj pa Jerusalén.

Romanos 13:11

Chikojo retalil che taq i ij chi oj o wi wo'or; kmajawik kk'un saq chqawach. Chqila ub'e chi i qelb'al chisaq naqaj chik o wi chqe; mas naqaj chik o wi chwach are xqakoj utzij i Dios.

Efesios 5:14

Rumal uri ronojel i kelsax chisaq, lik k-etamax na: Yet chi katwarik, chk'un saq chawach; chatwalij chkixol i kamnaq, man i Cristo kutzunsaj ni saq pa k'aslemal.