JONÁS 1:15 - Wuj Pa K'ubultzij

¹⁵ Are xb'itaj iri, xkik'aq b'i ma Jonás pa mar, are uri i mar xuxlanik.

JONÁS 1:15 Iomraidhean Croise

2 Samuel 21:14

Te'uri xkimuq ub'aqil ma Saúl xaq ub'aqil ma Jonatán chila pa jul re ma Cis, chi uqajaw ma Saúl. I jul le o chila pa Zela prulew ma Benjamín. Ronojel lik x-anik chrij pacha i taqanik chi xuya i ajawinel; chrijil chik ile, i Dios xuta wach kkitz'onoj i winaq aj Israel che xaq xuya utzil chomal pkiwi.

Salmos 107:29

Xuya i tew chi kpuypatik puk'exel i jab' xaq xu'an che i ya chi kyolol ti chik ukaway.

Salmos 65:7

Yet kaqajsaj i ub'olol i mar are lik kb'ororik, xaq ka'atij kich'oqowik i winaq pa taq tinimit;

Salmos 89:9

Yet ka'atij i mar are kpe roywal, xaq kaqajsaj ucho'ab' i roywal are lik ksilab' uwi.

JONÁS 3:9

moqxa i Dios kujalwachij uch'ob'onik xaq kik'aw i roywal, keje ile kojkam taj.”

Mateo 8:26

I Jesús xub'ij chke: —¿B'uchak lik kixij iwib'? ¡Xatab'a lik nti qas ukub'ib'al ik'ux chwe! —Xcha chke. Are uri, xtak'i anoq xaq xujeq u'atixik i tew, xaq i ya chi kel chikaj; are uri xuxlan i tew xaq i ya, lik xesilab' ti chik.

Lucas 8:24

Are uri ike xe'e ru' i Jesús xaq xkik'astaj. Xkib'ij che: —¡Tijonel! ¡Qatijonel! ¡Kojmuqtaj pa ya! —Xecha che. Are uri i Jesús xwalijik i xu'atij i tew xaq i ucho'ab' i ya. Are uri i tew xaq ya lik xesilab' ti chik.