Joel 3:9 - Wuj Pa K'ubultzij

⁹ Chitzijoj iri chke i nimaq taq tinimit: ¡Chisaqij i lo'laj ch'oj! ¡Cheisik'ij i ko kiwach! ¡Chepetoq xaq chekich'aka i je aj-anol taq ch'oj!

Joel 3:9 Iomraidhean Croise

Salmos 96:10

Chb'ix ni pa nimaq taq tinimit: ¡I Ajwal, Ire ajawinel! Ire xukub'a i jyub' ta'aj; man lik kelsax ti puk'ijib'al, Ire ku'at tzij suk'ulik pkiwi i winaq pa taq tinimit,

ISAÍAS 34:1

Yix chi ix tinimit chixtejeb' li chutayik xaq yix chi ix nimaq taq tinimit lik chitatb'ej. Chuta i ulew xaq ronojel ni'pa o chwach, jyub' ta'aj xaq ronojel ni'pa kealax chwach.

JEREMÍAS 31:10

Nimaq taq tinimit, chita utzij i Ajwal, xaq chitzijoj chuchi' taq mar naj: I Ajwal xeukichersaj b'i aj Israel, xwiri kumol ni kichi' xaq keuchajij na pacha ku'an i ajyu'ul chij.

JEREMÍAS 50:2

“Chitzijoj iri, chiya retamaxik pa nimaq taq tinimit. Chiyaka i k'utb'al re i tzijonik; lik miwuwaj uwach. Chib'ij: ¡I Babilonia xchap b'ik! ¡I tiox Bel xkanaj pa k'ixb'alil, i dios Merodac lik nojnaq che xib'rikil! ¡I kitiox chi xaril je antalik, chi lik je saqil taj, lik xekanaj pa k'ixb'alil xaq pa nim laj xib'rikil ib'!”

JEREMÍAS 51:11

I Ajwal kraj kusach uwach i tinimit Babilonia, xaq xuk'unsaj saq chkiwach i aj ajawinelab' re Media anb'al re jun ch'ob'onik chke konojel. Lik are u'anik uk'exel i le xu'an i Ajwal chke rumal xki'an che i rachoch. ¡Chiyijb'a i ch'ab'! ¡Cheikojo i tob'al ib'!

JEREMÍAS 51:27

¡Chiya jun k'utb'al pa tinimit re i ch'oj! ¡Chixut'ij i trompeta xaq cheiyijb'a i nimaq taq tinimit re kki'an ch'oj chrij i tinimit Babilonia! ¡Chiyaka i ajawinik re i Ararat chrij ire, re Mini xaq re i Askenaz! ¡Chitzukuj jun aj-ok'al utzam i ch'oj! ¡Chkich'ija i b'e i kaway chi je ajch'oj pacha i sak' chi petnaq koywal!

JEREMÍAS 6:4

I je ajch'oj chkij kkib'ij: “¡Chiyijb'a iwib' chu'anik ch'oj chkij, chixpetoq chqa'ana ch'oj chkij are tik'il ij! Xwiri, ¡To' qawach yoj! Man ya xqaj i ij xaq ya knajtir i a'ab' chqe.

Ezequiel 38:17

Yin in Ajwal, kinb'ij: Chawe yet xinb'ij wi, are xinch'aw jela kanoq, are xech'aw wajpatan pinb'i Yin chi je profeta chi je aj Israel; ike xkitzijoj jela kanoq chi Yin kin-an ni chawe chi katk'unik re anb'al ch'oj chrij i tinimit Israel.

Ezequiel 38:7

Chayijb'a awib' xaq chawiqa awib' ru' ach'ojb'al, yet xaq ku' konojel i achiyab' chi je yij che i ch'oj chi je o awu'; lik chki'ana pacha i kab'ij yet.

Miqueas 3:5

Intinimit arewi keb'in che i b'e chi utz taj, i je ajmakib' are i profeta chi xa kekit'oro, chi kkiya utzijol i chomb'al ib' chke i ketzuquwik, xwiri kkisaqij i ch'oj chkij i ketzuquw taj. I Ajwal kub'ij chke i profeta le:

Hageo 2:7

Kin-an ni chke i nimaq taq tinimit kesiksatik, xaq kkik'am na li kib'eyomal, xaq wachoch lik knoj ni che uchomalil. I Ajwal chi ronojel ktiki che kub'ij:

ZACARÍAS 14:2

Che i ij le i Ajwal kumol ni kichi' i nimaq taq tinimit re kki'an ch'oj chrij i tinimit Jerusalén. Xaq kkich'ak ni i tinimit, kkel-aj nu b'i ub'itaq ke pa kachoch, kechap ni kixoqil pa cho'ab' i kkimin kib' ku' xaq kek'am nu b'i nik'aj chke uwinaq. Xwi nik'aj chik kekanaj ni pa Jerusalén.

ZACARÍAS 14:3

Xwiri kel la li Ajwal chu'anik ch'oj chkij i nimaq taq tinimit le, pacha u'anik ku'ano are o pa ch'oj.