Joel 3:6 - Wuj Pa K'ubultzij

⁶ Xeik'am b'i naj i winaq re i tinimit Judá, i winaq re Jerusalén, i xeik'ayij chke aj Grecia re i kimokom chi je o pu'ab' i kajaw.

Joel 3:6 Iomraidhean Croise

Ezequiel 27:13

Xaq i tinimit Javán, Tubal xaq i Mesec kelo'on awu', chwach i kilo'onik kkiya kan i kitaqon xaq i b'iroxik chi anch'ich' tojb'al re.

Joel 3:3

Xkijach intinimit ru' sakinik chkiwach, xekik'ayij ral taq alab'om xaq i ral taq altom, te'uri xkik'is b'i pwaq che i uwa'al uva muqb'am xaq ku' ixoqib' chi chwach i kich'akul kkich'ak wi kimer.

Joel 3:8

Keink'ayij ni ik'ojol xaq i imi'al chke aj Israel, man keje ile ike kkik'ayij chke aj Sabá, winaq je aj naj. Yin in Ajwal, inb'im.

ZACARÍAS 9:13

Inyijb'am chik i k'aqb'al inch'ab' re ch'oj, chi are i tinimit Judá, xaq inkojom jun ch'ab' che, chi are i tinimit Efraín. Chawe yet, Sion, kin-an ni jun ch'ich' chi k'ulala o uware, xaq keinyak ni awak'al chrij i rak'al i tinimit Grecia.”

Deuteronomio 28:32

Ak'ojol xaq i je ami'al, lik chawach yet kejach nu b'i chke i winaq aj naj chi aweta'am ti kiwach, lik ronojel ij kawaj yet kawil chik kiwach, xwiri kattikar ti che.

Deuteronomio 28:68

Tupu i Ajwal xub'ij chawe chi kattzalij ti chik che i b'e chi k-e pa Egipto, xwiri i Ajwal le ku'an ni chawe chi kat-e chik chila, katuk'am nu b'i pa barco xaq katuk'ayij ni chke ajch'oj chawij pacha at winaq chi at o pa k'ax rumal rajaw achak xwiri lik mijun katlo'owik.