Joel 3:10 - Wuj Pa K'ubultzij

¹⁰ I kasaron chki'ana ch'ich' chi k'ulala o uware che xaq che i ki'os chki'ana che' chi ch'ich' utzam che, i jun chi nti ucho'ab' chub'ij: ¡Yin lik o incho'ab'!

Joel 3:10 Iomraidhean Croise

SEGUNDO LIBRO DE CR%D3NICAS 25:8

Xwiri we yet kawaj chi katkachnimaj ike jati junam ku' chu'anik ch'oj, xwiri i Dios kixujach ni pki'ab' i ajch'oj chiwij, man i Dios pu'ab' o wi chi kixch'akanik xaq pu'ab' o wi we kijam iwib' —xcha.

ISAÍAS 2:4

I Ajwal ku'at ni tzij chkixol i nimaq taq tinimit, xaq are ni Ire kch'ob'ow i ch'oj chkixol k'iyal taq tinimit ni'pa kich'ich' chi k'ulala o uware ku'an ni tukb'al ulew che xaq i kiche' ch'ich' utzam ku'an ni os che. Are uri mijun tinimit ku'an chik ch'oj chrij jun chik xaq nti chik k'utunik kkik'amo re ch'oj.

JEREMÍAS 51:11

I Ajwal kraj kusach uwach i tinimit Babilonia, xaq xuk'unsaj saq chkiwach i aj ajawinelab' re Media anb'al re jun ch'ob'onik chke konojel. Lik are u'anik uk'exel i le xu'an i Ajwal chke rumal xki'an che i rachoch. ¡Chiyijb'a i ch'ab'! ¡Cheikojo i tob'al ib'!

Miqueas 4:3

I Ajwal ku'at ni tzij chkixol i nimaq taq tinimit, xaq are ni Ire kch'ob'ow i ch'oj chkixol k'iyal taq tinimit, xaq keje k-on ile chke i je o li k'a naj. Ni'pa i kich'ich' chi k'ulala o uware kki'an ni tukb'al ulew che xaq i kiche' ch'ich' utzam kki'an ni os che. Are uri mijun chik tinimit kuk'am chik uch'ojb'al re ch'oj chrij jun chik xaq nti chik k'utunik kkik'amo re ch'oj.

ZACARÍAS 12:8

Yin in Ajwal, keinchajij ni jub'an chi je jeqel pa tinimit Jerusalén. I jub'an chi lik nti kicho'ab' chkixol ike, lik kpe ni kicho'ab' pacha ucho'ab' i ajawinel ma David, xaq i je umuq uxikin i ma David je keje na pacha i Dios, pacha i ángel re i Ajwal, chi nab'e chkiwach ike.

Lucas 13:12

I Jesús, are xrilo, xusik'ij ru' xaq xub'ij che: —Ixoq, ya at utzirnaq chik che ayob'il.

Lucas 22:36

Are uri xub'ij chke: —Wo'or, keje ti chik ile ki'ano, pachin i o uteb', chuk'ama b'ik; xaq keje i yab'al upwaq chuk'ama b'ik. Pachin jun nti uch'ich', chuk'ayij uchaket lo'b'al re uch'ich'.