Joel 1:3 - Wuj Pa K'ubultzij

³ Chilapa chke iwak'al, keje ile ike kkilap chke i kak'al ike, ike le kkilap tan chik chke i jub'an chi kealax tan chik k-on panoq.

Joel 1:3 Iomraidhean Croise

Salmos 145:4

Chke i qajawxelab' k'a chke i kak'al kkiya ni u'ij ni'pa i anik chi a'anom, xaq kkitzijoj ni nimaq taq anik chi a'anom.

Salmos 44:1

Ajwal Dios, lik qatom ru' i qaxikin xaq qaqajaw qachuch kilapom chqe, ronojel ni'pa xa'an ujer kanoq are k'a je k'as ike,

Salmos 71:18

Wajwal Dios, minawo'taj, tupu in rij chik xaq saq chik inwi, man lik rajwaxik chi kinlap i nim laj a'ij achomal chke i winaqi xaq chke i jub'an chi k'amaja kealaxik.

ÉXODO 13:14

K-on panoq are kkitz'onoj iwak'al chiwe: “¿Wach taq usuk' ile?” Yix kib'ij ni chke: I Ajwal ru' nim laj ucho'ab' xojresaj li pa Egipto, chila ipa xojk'iji wi, chi lik oj o te pa k'ax rumal i rajaw qachak.

ISAÍAS 38:19

Xwi ni'pa je k'aslik ketiki chukojik a'ij, pacha kin-an yin wo'or. I qajawxelab' kkilap i rutzil ak'ux chke i kak'al.

Deuteronomio 6:7

Lik arewi chak'utu chke awak'al, chalapa utzij i Ajwal chke xaipa ix o wi: Ru' ja, pa taq b'e, are katkotz'i'ik xaq are katwalijik.