Joel 1:20 - Wuj Pa K'ubultzij

²⁰ ¡Xaq keje ne chikop aj pa taq es ke'o' chutz'onoxik chawach yet, man je chaqijnaq chik ub'e ya xaq i a' xuk'at ronojel i k'im!

Joel 1:20 Iomraidhean Croise

Salmos 104:21

I koj kesik'in chuchapik kiti', xaq kkitz'onoj che i Dios chi kuya chke wach kkitijo.

1 Reyes 17:7

Xwiri are xik'aw keb' oxib' ij, i raqana Querit le xchaqijik, man lik nti chik i jab' chila che ulew le.

Salmos 147:9

Kuya kiwa i chikop, xaq kuya kiwa i kak'al i joj are kepich'awik.

Salmos 145:15

I kib'a'wach konojel i winaq at kitaqem Yet, koy-em chi kaya kiwa pa taq u'oril.

Job 38:41

¿Pachin kyaw kiwa i joj, are kkitzukuj kiwa i ral taq kak'al xaq ru' jun nim laj o'ej kkitz'onoj chwe?

1 Reyes 18:5

Ma Acab xub'ij che ma Abdías: —Chata pe', jo' pa malkatik chupam ronojel ulew re i tinimit, xaq pa taq ralaxb'al ya, xaq chi taq raqana, man keje ile kqilo we kqariq es re kiwa i kaway xaq i mulib'. Man we nti es, kekam uri i qakaway.

JEREMÍAS 14:4

I ajchakib' lik kb'ison kik'ux xaq kkich'uq kijolom ru' k'ul, man k-on ti chik i jab' xaq i ulew lik tz'intz'ik chaqij.

JEREMÍAS 28:8

I profeta chi xek'iji ujer, chuxe'el li qalaxik yoj awu', xkitzijoj i ch'oj, jalajuj taq k'ax xaq k'ax laj taq yob'il pkiwi i nimaq taq rajawinik xaq pkiwi tinimit chi lik o ki'ij.

Joel 1:18

¡I chikop lik ke'o'ik! Tupu kkitzukuj k'im i b'akib' lik nti chik rumal; i tzob'ajil taq chij ktijin kikamik.