JEREMÍAS 8:1 - Wuj Pa K'ubultzij

¹ I Ajwal kub'ij: Che taq i ij le kelsax na li kib'aqil i winaq pa taq kijul, ronojel kib'aqil i ajawinelab', kib'aqil aj-atzil re i tinimit Judá, kib'aqil ajsujul sipon, kib'aqil i profeta xaq kib'aqil ni'pa xejeqi chila pa tinimit Jerusalén.

JEREMÍAS 8:1 Iomraidhean Croise

1 Reyes 13:2

Rumal utaqanik i Ajwal ko xch'aw che i sujb'al sipon: “Sujb'al sipon, sujb'al sipon, i Ajwal xub'ij: Chkixol i ralk'uwal ma David kalax ni jun ak'al chi kya' ni pub'i a Josías, ire le keukamsaj ni konojel ni'pa ajsujul sipon chila tzam taq jyub', chi lik pawi yet kkiporoj pom, xaq lik kkiporoj i kib'aqil i winaq.”

2 Reyes 23:16

I ma Josías are xtzalijloq, are xril i jul chi o chila chwi jyub', xutaq umolik ronojel i b'aq chi o chila, xuporoj puwi i sujb'al sipon qajsab'al u'ij. Keje uri ile chi x-antajik pacha xub'ij i Dios che i profeta, chi ub'im ronojel ni'pa i b'iroxik le.

2 Reyes 23:20

Chrijil chik ile, xeukamsaj konojel i ajsujul sipon chwach i tiox chila puwi i k'ijib'al le chi lik ch'am taj chi o chila, xaq puwi i k'ijib'al le xuk'at kib'aqil i winaq. Chrijil chik ile xtzalij chub'i pa tinimit Jerusalén.

2 Reyes 9:37

I jub'an chik uch'akul kkanaj ni kan pacha kis ch'etch'et pa taq es chila pa Jezreel, chi xaq lik mijun ketamawik we are uch'akul ati Jezabel.

Salmos 53:5

Tupu nti puwi kkixij kib', xwiri ike lik keb'arb'at ni rumal kixib'rikil, man i Dios kukichersaj b'i kib'aqil ni'pa i je ajch'oj chrij. Lik ketzaq ni pa k'ixb'alil man i Dios keuxutuj.

JEREMÍAS 14:16

I tinimit ipa kkib'ij wi ile kkam ni rumal i nimaq taq ch'oj xaq rumal i wa'jal, junam ku' kixoqil, kik'ojol xaq i kimi'al. I kich'akul i kamnaq kejab'ix ni pa taq b'e re i tinimit Jerusalén, xaq nti jun kemuquwik. Keje ni utojik kimak ile kin-an chke.

Ezequiel 37:1

I Ajwal xuya u'ab' pinwi yin, xaq xu'an chwe chi are xin-el b'ik lik in nojnaq che ucho'ab', i xinuya chwach jun ta'aj chi nojnaq te'eq che b'aq.

Ezequiel 6:4

Kin-an ni ch'aqa taq che i k'ijib'al ipa kisuj wi sipon, ipa kik'at wi pom xaq kin-an ni chke i achiyab' ketzaq pulew kekam chkiwach i tiox chi xaril je antalik.

Ezequiel 6:5

Kinjab'ij na li ch'akulaj kamnaq ke aj Israel chkiwach i kitiox chi xaril je antalik xaq kinkichersaj b'i kib'aqil chrij chwach i k'ijib'al ipa kporox wi sipon.

AMÓS 2:1

Keje iri kub'ij i Ajwal: “I je aj Moab ki'anom uk'iyal mak atzalal chi lik kinmayij ti uya'ik utojb'alil chke; man xkinak' a' che ub'aqil i ajawinel re i tinimit Edom, chi lik chaj xu'ano.