JEREMÍAS 6:1 - Wuj Pa K'ubultzij

¹ ¡Ix jutzob'aj re ma Benjamín chix-anmajoq, chitzukuj i k'ijib'al re tob'al ib', chixel chila pa tinimit Jerusalén! Chixut'ij i trompeta pa Tecoa, chiyaka jun ilb'al re chila Bet-haquerem, man jun uyej, jun nim laj k'ax kpe pqawi chi upetik pa moxab'.

JEREMÍAS 6:1 Iomraidhean Croise

2 Samuel 14:2

are uri xutaq uk'amik jun saqlej laj ixoq chi jeqel pa tinimit Tecoa, xub'ij che: “Lik cha'ana che awib' chi lik katb'ison che jun kamnaq, chakojo a'u' re b'is xaq makoj kunb'al muy chawij man keje ile kak'utb'ej chi lik ujer tan katb'ison che i kamnaq le.

SEGUNDO LIBRO DE CR%D3NICAS 11:6

Xukowij rij i jalajuj taq tinimiti ru' tapial nim uwach: Belén, Etam xaq i Tecoa,

NEHEMÍAS 3:14

Ma Malquías, chi uk'ojol ma Recab, chi xaq aj-ok'al utzam che i tinimit Bet-haquerem, xuyijb'a uchija re i K'aqb'al Tz'il, xukoj uchija chi o lawe che xaq i che' chi k-eb'ax chrij.

NEHEMÍAS 3:5

I juperaj chik xkiyijb'a aj Tecoa, xwiri i achiyab' chi nimaq kopis xkaj ti u'anik i chak le chi re i Dios.

JEREMÍAS 10:22

¡Chita pe', xk'un jun tzijonik! Lik k'a che jun nim laj tinimit pa moxab' kpe wi jun nim laj pacha uch'awb'al ray, chi ku'an che i nim laj tinimit Judá pacha jun tz'inilik jyub', ipa ke jeqi wi i tz'i aj pa taq es.

JEREMÍAS 25:9

keinsik'ij konojel i winaq aj pa moxab' xaq i wajpatan chi ma Nabucodonosor, chi ajawinel re i tinimit Babilonia, re kepe chu'anik ch'oj che i nim laj tinimiti, xaq konojel ni'pa je jeqel chwach xaq chkij nimaq taq tinimit chi je o naqaj. Lik kinsach ni kiwach konojel. Lik kin-an chke chi ksach ni kiwach, chi lik je xib'in ib' xaq je xib'rikil.

JEREMÍAS 4:29

Are kesik'in i winaq chi je ajrij taq kaway xaq i je ajk'aqol ch'ab', konojel i winaq ke'elmajik kkuwaj kib' pa taq es, xaq ke'el b'i puwi i nimaq taq ab'aj, ronojel ni'pa i nimaq taq tinimit lik xetali kanoq, lik nti chik winaq xek'iji kan chila.

JEREMÍAS 6:22

I Ajwal kub'ij: “K'a naj che i ulew pa moxab' o jun nim laj tinimit chi lik o ucho'ab' kuyijb'a li rib' che i petik.

AMÓS 1:1

Iri are i utzijonik ma Amós, ajyu'ul chij aj pa tinimit Tecoa, xya' che rumal i Dios chrij i tinimit Israel, che i keb' junab' chuxe'el kab'raqan, che rajawinik i ma Uzías, ajawinel re Judá, xaq re i ma Jeroboam, chi uk'ojol ma Joás, ajawinel re Israel.

AMÓS 3:6

we i trompeta kch'aw pa tinimit, i winaq ke'ok uri chk'achirik; we o jun utz taj kk'ulmax pa tinimit, alaj uri chi are i Ajwal utaqom loq.

ZACARÍAS 6:6

I kareta chi jek'tal kumal i kaway eq kij k-e che i tinimit pa moxab'; i kareta chi jek'tal kumal i kaway saq kij, k-e pa tinimit puqajb'al ij; i jun chik kareta chi jek'tal kumal i kaway kaqkoj kij, k-e pa tinimit wiqab'.”

JOSUÉ 15:63

Xwiri je umuq uxikin ma Judá xetiki ti chkelsaxik b'i aj Jebús chi je o pa Jerusalén. Rumali xekanaj kan pa Jerusalén junam ku' umuq uxikin ma Judá, k'a arewi wo'or junam je olik.

Jueces 1:21

Xwiri i je utzob'ajil ma Benjamín xetiki ti chkelsaxik i aj Jebús chi je jeqel chila pa Jerusalén. Rumali i aj Jebús xaq i je utzob'ajil ma Benjamín k'a junam je jeqel wi wo'or chila pa Jerusalén.