JEREMÍAS 51:3 - Wuj Pa K'ubultzij

³ ¡Lik chkiyijb'a i kich'ab' i ajk'aqanel! ¡Chkikojo i tob'al kib'! ¡Lik miwil tob'al kiwach i k'ojolab' winaq re Babilonia; lik chisachsaj kiwach konojel achiyab' chi je yij che i ch'oj!

JEREMÍAS 51:3 Iomraidhean Croise

Salmos 137:9

¡Utz re i jun chi keuchap awak'al xaq keuxa' ni chwach nimaq taq ab'aj!

JEREMÍAS 46:4

¡Cheiwiqa i kaway! ¡Yix chi ix ajrij kaway, chix-anoq! ¡Chikojo i tob'al ijolom xaq chi'ana jun cholaj che iwib'! ¡Chi'ana uware i che' ch'ich' utzam! ¡Xaq chikojo i tob'al iwib'!

JEREMÍAS 50:14

¡Jix pik'ijib'al, ajk'aqol ch'ab', lik chisutij rij i tinimit Babilonia! ¡Chixk'aqan ru' konojel i ch'ab' chkij ike! Man xemakun chinwach Yin, chi in Ajwal.

JEREMÍAS 50:21

¡Lik chi'ana ch'oj chkij i winaq aj Merataim xaq chkij i winaq aj Pecod! ¡Cheiterb'ej, lik chisachsaj kiwach konojel! ¡Lik chi'ana ronojel intaqanik! Yin in Ajwal, kinb'ij.

JEREMÍAS 50:27

¡Cheikamsaj konojel i achiyab' chi je yij che i ch'oj, cheataqa b'i pa kamsab'al! ¡To' kiwach ike! ¡Lik ya xuriq u'ij xaq u'oril re utojb'alil pkiwi!

JEREMÍAS 51:53

Tupu i tinimit Babilonia kel b'i k'a chikaj re kukoj u'ij xaq kukub'a li ucho'ab' chila, lik nti k-ono man k'a chila na kintaq nu b'i i ajch'oj chrij re kusachsaj uwach. Yin in Ajwal, xinb'iw ile.”

JEREMÍAS 9:21

“I kamik xok pqamuj pqasok, xok k'a pa nim laj rachoch i ajawinel, keukamsaj ak'alab' pa taq b'e xaq keukamsaj i k'ojolab' pa taq k'eb'al.

Deuteronomio 32:25

Kekamsax ni kak'al ru' ch'ich' pa taq b'e, o ni nim laj xib'rikil pa taq kachoch; kekam ni alab'om xaq altom, rijab' xaq ak'alab' chi lik k'a ketz'umanik.

Santiágo 2:13

Man i Dios lik kril ti tob'al kiwach i winaq we kilom ti tob'al kiwach i kachi'il. Xwiri, we yoj qilom tob'al kiwach i winaq, i Dios kril uri tob'al qawach yoj are ku'an i atb'al tzij pqawi.