JEREMÍAS 48:3 - Wuj Pa K'ubultzij

³ Pa Horonaim ktataj ni i sik': “¡Uyej xaq i sachsanik!”

JEREMÍAS 48:3 Iomraidhean Croise

ISAÍAS 15:2

I winaq aj pa Dibón ke'el b'i pa o'ej prachoch i Dios chi o tzam jyub'. I je aj Moab kkitz'uyunej ni usachik uwach i tinimit Nebo xaq i Medeba. Konojel ki'anom tz'um che kijolom xaq kesam i kismachi'.

ISAÍAS 15:5

I wanima kutz'onoj tob'al ke aj Moab, man ike pa'anem ke'anmajik ke'e k'a pa Zoar, k'a pa Eglat-selisiya. Ke'o'ik kepaqi b'i chwa jyub' Luhit, che i b'e chi k-e pa Horonaim chila kesik'in wi rumal uk'axk'ol i k'ax chke.

ISAÍAS 15:8

I sik' re utz'onoxik i tob'al xsutin chi taq uchi' kulew aj Moab, i tz'uyunik kupon k'a pa Eglaim xaq k'a pa Beer-elim.

ISAÍAS 22:4

Rumali xinb'ij: Chixel chinwach man kwaj kinsik'in che o'ej, mikub'saj taq ink'ux rumal wach i k'ax kutij intinimit.

JEREMÍAS 20:16

¡I achi le keje na pacha i nimaq taq tinimit, chi xusach uwach i Dios ronojel ij saq! Chuta ni sik' re uk'axk'ol pa taq usaqirb'al xaq utzijoxik i ch'oj are tik'il ij,

JEREMÍAS 47:2

Yin in Ajwal, kinb'ij: Pa moxab' kupon ni jun nim laj ya chi kunojsaj uwach i k'ijib'al le, pacha jun nim laj raqana chi elnaq chik puk'ijib'al; kunojsaj ni i tinimit che i ya xaq ronojel ni'pa o chwach, pa nimaq taq tinimit xaq ni'pa je jeqel chwach. Konojel i winaq re i tinimit kesik'inik, i winaq kesik'in ni che o'ej rumal i k'ax.

JEREMÍAS 48:34

I winaq pa tinimit Hesbón kesik'in che i b'is, xaq i kisik' kupon k'a pa Eleale, Jahaza, pa Zoar k'a pa Horonaim xaq Eglat-selisiya, man ralaxb'al ya pa Nimrim lik je chaqijnaq chik.

JEREMÍAS 48:4

I tinimit Moab o puyej; i kisik' re i k'ax kupon k'a pa Zoar.

JEREMÍAS 48:5

Lik ru' o'ej xaq ru' uwa'al kiwach ke'el b'i jub'an che i jyub' pa Luhit; xaq i jub'an chi keqaj li pa Horonaim lik kesik'in rumal uk'axk'ol i k'ax.

JEREMÍAS 51:54

K'a pa tinimit Babilonia ktataj i sik' re uk'axk'ol, lik k'a pa tinimit ke aj Caldea kupon utayik jun nim laj luk'latik.