JEREMÍAS 4:9 - Wuj Pa K'ubultzij

⁹ I Ajwal kub'ij: “Are kuriqa i ij le, i ajawinel xaq i je aj-atzil lik keb'arb'at ni rumal kixib'rikil, i je ajsujul sipon, kkina ni jun nim laj xib'rikil xaq keje ile kkina i profeta.”

JEREMÍAS 4:9 Iomraidhean Croise

2 Reyes 25:4

Are uri xki'an jul chwach taq i tapial nim uwach re i nim laj tinimit. Tupu aj Caldea kisutim rij i tinimit, i ajawinel xaq konojel i achiyab' chi je yij che i ch'oj, xe'anmaj b'i pa nim laj tinimit cha'ab'. Konojel xe'el b'i che uchija chi o chuxol i keb' tapial chi nim uwach, che i b'e chi k-e pa tikonb'al kotz'ij chi o chi rachoch i ajawinel, te'uri xkimaj chub'i jun b'e chi k-e chwa ta'aj Jordán.

Salmos 102:4

i wanima lik nti chik ucho'ab' lik keje pacha i es chi kchaqijik; ¡Lik kwaj ti chik wa'im!

ISAÍAS 19:16

Che taq i ij le, i je aj Egipto chi je achiyab' lik pacha taq je ixoqib', lik kpe ni jun nim laj xib'rikil chke xaq kesiksat na, are kkil i Ajwal chi ronojel ktiki che Ire kuyak u'ab' chkij ike.

ISAÍAS 19:3

Kin-an ni chke chi ksach kinojb'al, kin-an ni chke chi ke'el ti utz ru' wach kich'ob'om u'anik. Are uri kkik'ama kino'oj chke kitiox xaq chke aj-itz, chke i anima xaq chke i kenanik.

ISAÍAS 28:19

Arewi are kk'unik, kixuchararej na. Ij ij kk'un pa taq usaqirb'al, chipa'ij chicha'ab'. Xa ru' kkita utzijol, lik kesiksat ni rumal kixib'rikil.

JEREMÍAS 2:26

Keje pacha ili'om chi kk'ix che are knab'tajik, keje ni kuk'ulmaj i tinimit Israel ile: Konojel i winaq, ajawinelab', je aj-atzil, je ajsujul sipon xaq i profeta.

JEREMÍAS 25:34

¡Chixsik'inoq, ix, ajyu'ul chij, chixsik'in rumal uk'axk'ol! ¡Yix, chi je iwok'am i chij, chib'alk'atij iwib' pa taq ulew! Man ya xuriq i ij re i kamsanik, xaq yix kixkamsax na pacha kikamsaxik i ti'ojib' chij.

JEREMÍAS 37:19

¿Ipa je o wi i profeta le chi lik kkisaqij te'eq chi ajawinel aj Babilonia lik nti ch'oj ku'an chiwij yix, xaq chrij i ulew le?

JEREMÍAS 48:41

Nimaq taq tinimit xaq ronojel ukowib'al ktzaq ni pki'ab' i ajch'oj chrij. Che taq i ij le i achiyab' chi je yij che i ch'oj re i tinimit Moab kesiksat na pacha jun ixoq chi ya kalax rak'al.

JEREMÍAS 5:31

Ni'pa i kkitzijoj i profeta lik saqil laj t'oronik, i je ajsujul sipon to' keje u'anik kipatan kki'ano pacha urayijb'al kik'ux ike. ¡Xaq intinimit lik keje ile kkaj ike! Xwiri ¿Ipa nawi keik'isa wi pa k'isb'al re?

JEREMÍAS 52:7

Are uri xki'an jun tel chke i tapial re i tinimit, tupu i aj Caldea kisutim te'eq rij, i ajawinel xaq i achiyab' chi je yij che i ch'oj xe'anmaj b'i cha'ab' pa tinimit. Xe'el b'i che i uchija chi o chuxol i keb' tapial che i b'e re i tikonb'al kotz'ij re i rachoch i ajawinel, xaq xkimaj b'i b'e chi k-e chwa ta'aj re i Jordán.

Hechos 13:41

Chita pe', yix chi kixyo'yanik, lik chixok il xaq chix-anmajoq man che taq i ij le, yin kinya ni jalajuj taq tojpen piwi chi lik kikoj taj wetene jun chik kulap taq ile chiwe. Keje ile xub'ij ma Pablo chke.