JEREMÍAS 4:5 - Wuj Pa K'ubultzij

⁵ Chitzijoj iri pa Jerusalén xaq pa Judá, chixsik'in chub'ixkil ru' usonil i trompeta chupam ronojel i nim laj tinimit, lik ko chixsik'inoq: ¡Jo', chqamolo qib' pa taq nimaq taq tinimit chi o tapial nim uwach chrij!

JEREMÍAS 4:5 Iomraidhean Croise

ISAÍAS 28:19

Arewi are kk'unik, kixuchararej na. Ij ij kk'un pa taq usaqirb'al, chipa'ij chicha'ab'. Xa ru' kkita utzijol, lik kesiksat ni rumal kixib'rikil.

JEREMÍAS 11:2

“I aj Israel chkikojo retalil i tziji re i trat. Chatlapan ku' i winaq aj Judá xaq ku' ni'pa je jeqel pa Jerusalén.

JEREMÍAS 35:11

Xwiri are ma Nabucodonosor chi ajawinel re i Babilonia xtiki kan chuk'amik i nim laj tinimiti, are uri yoj xqach'ob' k'unik pa Jerusalén, re koj-anmaj chkiwach i achiyab' chi je yij che i ch'oj chi aj Caldea xaq aj Siria. Rumali chi oj jeqel chi Jerusalén.”

JEREMÍAS 5:20

Chiya utzijol iri, che i ajawinik re i Israel, xaq chib'ij chke aj Judá:

JEREMÍAS 6:1

¡Ix jutzob'aj re ma Benjamín chix-anmajoq, chitzukuj i k'ijib'al re tob'al ib', chixel chila pa tinimit Jerusalén! Chixut'ij i trompeta pa Tecoa, chiyaka jun ilb'al re chila Bet-haquerem, man jun uyej, jun nim laj k'ax kpe pqawi chi upetik pa moxab'.

JEREMÍAS 8:14

I winaq kkib'ij na: “¿Wach taq uchak kojkanaj kan waral? ¡Qonojel jo' pa nimaq taq tinimit chi sutim rij ru' tapial nim uwach, man su' chojkikamsaj! I Ajwal chi qa-Dios, ku'an chqe chi kojkamik, ku'an chqe chi kqatu' i ya chi o b'enen ru', rumal xojmakun chwach ire.

JEREMÍAS 9:12

¿Pachin nawi jun chi lik o uno'oj chi kuta ub'e wach ktijin uk'ulmaxik? ¿Pachin che yatal wi retamaxik i b'iroxiki che rumal i Ajwal, man are ire kub'ij usuk' chke i jub'an chik? ¿B'uchak xtzaq i nim laj tinimit puyej, lik chaqij pacha jun tz'inilik jyub' chaqij chi mijun kik'aw chwach?

Ezequiel 7:14

Kch'aw i trompeta sik'b'al ke che i ch'oj; konojel kkiyijb'a kib', xwiri mijun kel b'i chu'anik ch'oj. Kinya utojb'alil ru' woywal che i tinimit Israel rumal kukoj u'ij.

Oseas 8:1

Chach'awsaj i a-trompeta, pacha i ajchajinel chi kk'ak'alin puwi utinimit i Ajwal. Man je kojonnaq ti che intrat xaq kiqelom ink'utunik.

Joel 2:1

Chixut'ij i trompeta tzam taq jyub' Sion; chixut'ij k'utb'al re pa ch'am laj jyub' re i Ajwal. Chixsiksat iwonojel yix chi ix jeqel pa tinimit Judá, man ya naqaj chik o wi u'ij i Ajwal:

AMÓS 3:6

we i trompeta kch'aw pa tinimit, i winaq ke'ok uri chk'achirik; we o jun utz taj kk'ulmax pa tinimit, alaj uri chi are i Ajwal utaqom loq.

AMÓS 3:8

¿Pachin kb'arb'at ti rumal uxib'rikil we ksik'in i koj? ¿Pachin kch'aw ti pub'i i Ajwal we are Ire taqannaq?

NÚMEROS 10:2

Cha'ana keb' trompeta chi lik saq-o'oj, ru' ch'ayb'al kayijb'a wi, man kuriq uchak chawe re kaxut'ij molb'al ke i winaq, xaq kuriq uchak chawe are kimaj chub'i ib'e.

NÚMEROS 10:3

Are kxut'ix i keb' trompeta, rajwaxik chi konojel i winaq kkimol ni kib' chawach chila pa okb'al che i ja re riqb'al ib' ru' i Dios.

JOSUÉ 10:20

Te'uri ma Josué xaq i aj Israel lik je k'i aj Hamor xkikamsaj xa je keb' oxib' chik chke xkito kib' pa taq tinimit chi sutim rij ru' ko laj tapial.