JEREMÍAS 39:4 - Wuj Pa K'ubultzij

⁴ I ajawinel ma Sedequías xaq i achiyab' chi je yij che i ch'oj are xkilo ni'pa ktijin uk'ulmaxik, xe'anmaj b'i pa nim laj tinimit le. Lik cha'ab' xe'el b'i che i b'e re i tikonb'al kotz'ij re i ajawinel, che i uchija chi o chuxol i keb' tapial xaq xkimaj b'i b'e chi k-e chwa ta'aj re i Jordán.

JEREMÍAS 39:4 Iomraidhean Croise

SEGUNDO LIBRO DE CR%D3NICAS 32:5

I ma Ezequías lik xukowij uwach, xuyijb'a ni'pa i wulkrijnaq che i tapial nim uwach, xuyak tak'taq ja puwi i tapial le xaq xuyak jun tapial nim uwach chrij i tinimit. Xwi ta la ile, xaq xuyijb'a i ik'awb'al re utinimit ma David, xuyijb'a k'iyal che' ch'ich' utzam xaq k'iyal tob'al ib' re i ch'oj.

ISAÍAS 22:11

Chuxol i keb' tapial nim uwach xki'an jun k'otom k'olb'al re i ya chi o chupam i nim laj k'olb'al ya chi ax o wi. Xwiri xkikoj ti retalil pachin x-anaw ronojel ni'pa i jub'an chi lik ujer antalik.

ISAÍAS 22:3

i je awaj-atzil konojel pa'anem xe'anmajik, xaq are xe'anmaj chwach i ch'ab', xetz'apix prexil. I je awinaq chi lik ko kiwach, naj xe'anmajik, xwiri xetz'apix prexil.

ISAÍAS 29:2

Yin kinya ni i tinimit Ariel pa k'achirik, lik o ni o'ej xaq i sik'inik. I tinimit le lik keje na chwe yin pacha i Ariel.

JEREMÍAS 32:4

xaq i ajawinel ma Sedequías lik ktotaj ti chik pki'ab' aj Caldea man ktzaq ni pu'ab' i ajawinel re i Babilonia xaq lik keuk'utu ni rib' chwach.

JEREMÍAS 32:5

I ma Nabucodonosor kuk'am nu b'i ma Sedequías pa Babilonia, chila kkanaj wi k'a kinupon ni yin ru'. Tupu yix ki'an ch'oj chkij aj Caldea, xwiri ile nti uchak. Yin in Ajwal, xinb'iw ile.”

Ezequiel 12:12

I aj-atzil ke ike xaq kuk'am nu b'i ub'itaq re chwi uteleb', are kok equm kel nu b'i che i tel chi kki'an ni che i tapial. Xaq uch'uqum upalaj kel nu b'ik man mijun kril upalaj xaq mitene ire kril ti i tinimit.

Ezequiel 12:4

Lik pa'ij chkiwach konojel, kawesaj b'i ub'itaq awe pacha taq are katelsax b'i pa cho'ab' chwach awulew; che uqajb'al ij katel b'ik xaq chkiwach konojel katel nu b'ik pacha taq katelsax b'i pa cho'ab' chwach awulew.

LEVÍTICO 26:17

Yin kin-an ni che wib' in ajch'oj chiwij xaq k-an ni tikilem chiwe kumal i je ajch'oj chiwij, lik kqajsax ni i'ij kumal ike chi ktitat kipam chiwe, xaq lik kix-anmaj na tupu nti jun kix-oqtawik.

LEVÍTICO 26:36

I jub'an chi kek'asi kan chixol, lik nim ni xib'rikil kinpetsaj pkiwi chi je o pa jalajuj taq tinimit ke je ajch'oj chkij, lik ke'anmaj ne xa rumal jun uxaq che' chi ktzaq li rumal i tew. Lik ke'anmaj na pacha taq je oqtam ru' ch'ich' xaq kejab' laj ni pa taq ulew tupu nti ke'oqtawik,

AMÓS 2:14

Tupu lik pa'anem kix-anmajik, xwiri lik kixtotaj taj; i jun chi lik o ucho'ab' kk'is ni ucho'ab', xaq lik ktotaj ti i jun chi lik ko uwach.

Deuteronomio 28:25

xaq kqajsax ni a'ij kumal i ajch'oj chawij. Lik kab'isoj enam chu'anik ch'oj chkij ike lik kixtususik xwiri i anmajik loq to' kichkich chik, lik kkib'isoj ni konojel i winaq chwach i jyub' ta'aj wach taq kak'ulmaj.