JEREMÍAS 39:3 - Wuj Pa K'ubultzij

³ Xaq konojel i je rajpatan i ajawinel aj Babilonia xe'ok b'ik, xekub'i chila chwach uchija chi o pa nik'aj. Ike le, je ma Nergal-sarezer, ma Samgar-nebo, ma Sarsequim, jun nim laj aj-atzil, xaq i jun chik nim laj aj-atzil are ma Nergal-sarezer.

JEREMÍAS 39:3 Iomraidhean Croise

2 Reyes 17:30

I winaq aj pa tinimit Babilonia xki'an i tiox Sucut-benot; i winaq aj Cuta xki'an i tiox Nergal; i winaq aj Hamat xki'an i tiox Asima.

JEREMÍAS 1:15

Yin, chi in Ajwal, lik kinsaqij chiwe chi keinsik'ij konojel i ajawinelab' pa moxab'. Kek'un ni i kajawinelab' xaq kkikub'a ni kikub'ib'al chi o u'ij pa okb'al che i tinimit Jerusalén, chwach ronojel ni'pa i tapial chi sutiwnaq rij xaq chkiwach konojel ni'pa i tinimit re i Judá.

JEREMÍAS 21:4

chi i Ajwal, ki-Dios aj Israel, kub'ij: Kin-ano chi ketzalij b'i je awajch'oj chi je are i achiyab' chi je yij che i ch'oj, chi kisutim chik rij i tapial nim uwach re kki'anb'ej ch'oj chrij i ajawinel re i Babilonia xaq chkij aj Caldea, xaq kinmol ni kichi' pa nik'aj che i nim laj tinimit.

JEREMÍAS 38:17

I ma Jeremías xub'ij che ma Sedequías: —I Ajwal chi ronojel ktiki che, chi ki-Dios aj Israel, keje iri kub'ij: “We su' kajach awib' chke aj-atzil re i ajawinel Babilonia, yet xaq i awalk'uwal ktotaj ni uri ik'aslemal, xaq i tinimiti knak' ti a' uri che.

JEREMÍAS 39:13

Are uri ma Nabuzaradán, junam ru' ma Nabusazbán xaq ma Nergal-sarezer, chi are je keb' nimaq taq ajpatanib' re i aj-atzil, xaq konojel i ni'pa rajpatan i ajawinel aj Babilonia.

Ezequiel 26:10

Are kok b'i ajawinel re i tinimit Babilonia che taq uchija re awachoch keje pacha okik che jun tinimit chi lik kk'am pa ch'oj, lik je k'i ni kaway chi are keb'inik, lik kkinojsaj awij ru' ulew chi kkipuk'ek'ej; i atapial lik kesiksat ni rumal uch'awb'al kib'inik i kikareta xaq i k'iyal taq kikaway;