JEREMÍAS 39:1 - Wuj Pa K'ubultzij

¹ Che ulajuj ik' re i ub'elej junab' re rajawinik ma Sedequías chila Judá, ma Nabucodonosor, ajawinel re Babilonia, junam ku' i achiyab' chi je yij che i ch'oj, xe'e chu'anik ch'oj chkij aj Jerusalén xaq xkisutij rij.

JEREMÍAS 39:1 Iomraidhean Croise

SEGUNDO LIBRO DE CR%D3NICAS 36:17

Are uri i Ajwal xu'ano chi i ajawinel aj Caldea xu'an ch'oj chkij aj Israel, xeukamsaj konojel alab'om ru' kuchil chila prachoch i Dios, lik xril ti tob'al kiwach i alab'om, altom, rijab' xaq mitene i je klis. I Ajwal xeujach konojel pu'ab' i ajawinel.

JEREMÍAS 32:1

I Ajwal xch'aw che ma Jeremías che i ulajuj junab' che rajawinik ma Sedequías pa tinimit Judá, chi are uwajxaqlajuj junab' rajawinik ma Nabucodonosor.

JEREMÍAS 34:1

Ma Nabucodonosor, chi ajawinel re i Babilonia, junam ku' i achiyab' chi je yij che i ch'oj, chi je are i winaq ke konojel ni'pa i nimaq taq tinimit re i uwach i jyub' ta'aj chi je o pu'ab' ire, ketijin chu'anik ch'oj chrij i tinimit Jerusalén xaq chkij i tinimit chi je o naqaj chke, i Ajwal xlapan ru' ma Jeremías, xub'ij che:

JEREMÍAS 34:22

Keintaq ni che chi kki'an chik ch'oj chrij i nim laj tinimiti, are ya xetiki chuk'amik te'uri kkinak' ni a' che. Xaq kin-an na chi i jub'an chik tinimit re i tinimit Judá k-on ni tz'inilik jyub' chi nti chik winaq chwach. Yin in Ajwal, xinb'iw ile.”

JEREMÍAS 42:18

I Ajwal chi ronojel ktiki che, chi ki-Dios aj Israel, kub'ij: “Keje pacha i nim laj woywal chi xpe pkiwi i winaq aj Jerusalén, xaq keje ile kpe piwi yix we kix-e pa Egipto. Yix kix-on ni pacha k'utb'al re i k'oqb'al, chi lik kuya i xib'in ib', rumali lik kiwil ti chik i k'ijib'ali.”

JEREMÍAS 52:1

Ma Sedequías o te'eq jun juwinaq (21) junab' che are xujeq ajawinik, xrajawin julajuj junab' pa tinimit Jerusalén. I ub'i uchuch Hamutal, umi'al ma Jeremías, xaq aj Libna.

JEREMÍAS 6:6

I Ajwal chi ronojel ktiki che uya'om i taqaniki: “Chik'atzij i che' re anb'al re i elb'al b'ik pa tinimit Jerusalén anb'al ch'oj chrij. I tinimit lik k'oqtal chik rumal uya'ik jun tojb'alil puwi man lik to' kamsanik ku'ano.

Ezequiel 33:21

Che ujo' ij re ulajuj ik' re i kab'lajuj junab' re qelsaxik b'ik pa cho'ab' chwach qulew, jun achi chi anmajnaq li pa Jerusalén, xk'unik i xulap chwe chi i tinimit xtzaq pki'ab' i ajch'oj chrij.

Ezequiel 4:3

Te'uri chak'ama jun uxaq lámina re ch'ich' xaq chakojo chaxol yet ru' i nim laj tinimit, chi lik pacha jun tapial, chat-ol chwach i nim laj tinimit, pacha taq ka'an ch'oj ru'. Iri kajwax na re k'utb'al chke aj Israel.

Ezequiel 40:1

Che i ij lajuj re i ik', chi are i ij re i k'ak' junab', i Ajwal xuya u'ab' pinwi, i che jun k'utik rib' pinwach xinu'atsaj che i jyub' Israel. Ya ktz'aqat i jo'ob' juwinaq (25) junab' chi xojk'am b'i pa Babilonia, xaq o chik kajlajuj junab' che are xchaptaj i tinimit Jerusalén. Che i jyub' Israel, i Ajwal xinuya puwi jun jyub' lik naj uwi; i chila loq, xintzun b'i pa wiqab', ipa xwil wi uk'iyal taq nimaq ja chi pacha ktzun jun tinimit.

Ezequiel 5:2

Are kutzin i ch'oj che i tinimit, chak'atsaj jun chke i mutzaj re awi punik'ajal i nim laj tinimit; te'uri chak'ama jun kuchil, xaq chak'atzij i ukab' mutzaj re awi chrij chwach i nim laj tinimit, i k'isb'al mutzaj re awi kakichersaj b'i pa tew. Yin kin-e ni chkij i winaq re i nim laj tinimit, ru' jun ch'ich' pin-ab' chi k'ulala o uware.

ZACARÍAS 8:19

“I umayixik wa'im re utz'onoxik che i Ajwal re i ukaj ik', re ujo' ik', re uwuq ik', xaq re i ulajuj ik' lik keu'on na re kikotemal, chi lik nima'ij re kikotemal re umuq uxikin i ma Judá. ¡Yix lik k'ax china i saq laj tzij xaq i chomb'al ib'!”

Deuteronomio 28:36

I Ajwal ku'an ni chawe yet xaq che awajawinel chi katk'am nu b'i che jun tinimit chi aweta'am ti upam xaq keta'am ti aqajaw achuch. Chila lik kakoj ni ki'ij i jub'an chik dios chi je antal ru' che' xaq ru' ab'aj.