JEREMÍAS 22:7 - Wuj Pa K'ubultzij

⁷ Keintaq b'i winaq chu'anik ch'oj chawij chi lik yijil kich'ojb'al, ru' nojb'al kkisachb'ej awach. Kkichet nu b'i i chomiq taq aqan chi lik chakalte' o awu', te'uri kkik'aq ni pa a'.

JEREMÍAS 22:7 Iomraidhean Croise

ISAÍAS 37:24

Kumal i ajb'il taq atzij xaqajsaj u'ij i Ajwal Dios. Man xab'ij: Ru' k'iyal taq inch'ich' re anb'al ch'oj xin-el b'i chwi taq jyub', xin-el b'i puwi i jyub' chi lik tak'tik chi o chupam ulew Líbano. Xink'atzij uchakalte' chi lik nimaq, xink'atzij i chomiq taq chaj chi o chila Líbano. Xinupon chila ipa o wi uk'iyal che' chi pacha tikonb'al chomiq taq kotz'ij xaq xinupon chila che jyub' chi lik naj uwi.

JEREMÍAS 15:8

Lik mas je k'i ixoqib' malkanib' xeinya kanoq chwach i seneb' chuchi' i mar. Lik tik'il ij xinya li kamik pkiwi i chuchxelab' ku' i kak'al chi k'a je ak'alab' winaq; lik xaqte'et xinya i b'is xaq i xib'rikil chke.

JEREMÍAS 21:14

Yin kinya ni utojb'alil chiwe, pacha kmajaw che i utz taj chi xi'ano, kinnak' ni a' che ik'achelaj, i a' le kuk'at nu b'i ronojel chrij chwach. Yin in Ajwal, xinb'iw ile.

JEREMÍAS 5:15

I Ajwal kub'ij: “Ix aj Israel, kink'am li jun tinimit chu'anik ch'oj chiwij chi naj kpe wi, jun tinimit chi lik o ucho'ab' xaq lik ujer laj tinimit. Yix iweta'am ti kich'ab'al xaq kita ti ub'e wach kkib'ij.

ZACARÍAS 11:1

¡Tinimit Líbano, chajaqa uchija, i a' chuk'ata nu b'i ache' re chakalte'!

Mateo 22:7

Rumali, i ajawinel lik xpe roywal che; xeutaq b'i uwinaq chi je yij che i ch'oj chkikamsaxik ni'pa i xe'anaw i kamik le, xaq chuporoxik i kitinimit.