JEREMÍAS 22:10 - Wuj Pa K'ubultzij

^10-11 Mixo' che ma ajawinel Josías, mixo' che ukamik, are chixo' che uk'ojol chi ma Salum, chi k-ek xwiri ktzalij ti chaloq, lik kril ti chik uwach i ulew ipa alaxnaq wi. Man i Ajwal kub'ij chrij ma Salum, chi uk'ojol ma Josías, ajawinel re i tinimit Judá, chi xkub'i pa kub'ib'al chi o u'ij chrijil chik uqajaw, chi xel che i k'ijib'ali: Lik ktzalij ti chaloq.

JEREMÍAS 22:10 Iomraidhean Croise

2 Reyes 22:20

Rumali kinya ni chawe chi lik utz kamik ka'ano, xaq kiriq ni iwib' ku' awatit amam, xaq kawil ti uri ronojel ni'pa i jalajuj taq k'ax chi kinpetsaj ni puwi i k'ijib'ali.” Are uri i je ajtaqon re i ajawinel xetzalij chub'i chulapik wach xb'ix chke.

2 Reyes 23:29

Che taq i ij le, i ma Necao, chi ajawinel re i tinimit Egipto, x-e chi raqana Éufrates chuto'ik i ajawinel aj Asiria chu'anik i ch'oj. Are uri ma Josías xel b'i chkik'ulaxik chu'anik ch'oj chkij; xwiri che i k'ijib'al chi Meguido ub'i, i ma Necao are xril ma Josías, su' xukamsaj.

SEGUNDO LIBRO DE CR%D3NICAS 36:4

Xwi ta la ile, i ajawinel aj Egipto xuya ma Eliaquim, chi ucha' ma Joacaz, pa ajawinel chila Judá xaq Jerusalén, xujalwachij, ub'i xuya ma Joacim pub'i. I ma Joacaz le xuk'am b'i pa Egipto.

ECLESIASTÉS 4:2

Rumali xinch'ob'o chi lik mas kekikot i je kamnaq chik chkiwach i jub'an chi k'a je k'aslik.

ISAÍAS 57:1

I winaq chi koksax ki'ij kekamik xaq mijun kb'ison chke, i utz laj taq winaq ksach kiwach, xaq mijun kuta ub'e chi are kekamik ke'el chwach i utz taj,

JEREMÍAS 16:7

Xaq mijun kuyijb'a jun nim laj wa'im ru' i kamnaq le, kub'sab'al kik'ux i rachalal i kamnaq xaq tupu are i qajawxel xaq we chuchxel xkamik.

JEREMÍAS 22:18

I Ajwal keje iri kub'ij chrij ma Joacim, chi uk'ojol ma Josías, ajawinel re i Judá: “Lik nti jun chi kro'ej taq ukamik. Lik nti jun chi ko'ik xaq kub'ij: ¡Ay, wachalal achi! ¡Ay, wachalal ixoq! ¡Ay, wajaw! ¡Ay, wajawinel!

JEREMÍAS 22:27

Keje uri ile chi ike ketzalij ti chali chwach ulew chi lik kkaj te'eq tzalijik chwach.

JEREMÍAS 25:27

Te'uri xub'ij i Ajwal chwe: Chab'ij chke, yin in Ajwal chi ronojel kintiki che, chi ki-Dios aj Israel, kinya jun taqanik chiwe chi chitu'u k'i uwa'al uva muqb'am k'a kix-ab'ar na xaq kixxab' na, kixtzaq ni pulew xaq kich'ij ti chik walijik, rumal i nim laj ch'oj chi kintaq b'i chiwij.

JEREMÍAS 28:4

Xaq kin-an na chi ketzalij chali ma Jeconías che i k'ijib'ali, chi uk'ojol ma Joacim, ajawinel re i tinimit Judá xaq konojel i winaq chi xe'elsax b'i pa tinimit Judá xe'e pa Babilonia. Qatzij, kinpatz' ni i yuku re i ajawinel pa Babilonia. Yin in Ajwal, xinb'iw ile.

JEREMÍAS 42:18

I Ajwal chi ronojel ktiki che, chi ki-Dios aj Israel, kub'ij: “Keje pacha i nim laj woywal chi xpe pkiwi i winaq aj Jerusalén, xaq keje ile kpe piwi yix we kix-e pa Egipto. Yix kix-on ni pacha k'utb'al re i k'oqb'al, chi lik kuya i xib'in ib', rumali lik kiwil ti chik i k'ijib'ali.”

JEREMÍAS 44:14

Lik mijun chke i keb' oxib' aj Judá chi xe'e pa jeqelem pa Egipto, ketotaj taq chwach i kamik, tupu lik kkaj ketzalij chal pa Judá re kejeqi chik chila, lik ketzalij ti chaloq, xwi ni i jujun chi ketiki che anmajik.

Lamentaciones 4:9

Lik mas utz xe'el i jub'an chi xekam pa ch'oj chkiwach i jub'an chi xekam rumal numik, man ike ri lik kok'il xekamik rumal nti chik uwach i tikon chi o chwach i jyub' ta'aj re kkitijo.

Ezequiel 24:16

Lik xa ru' jun k'ax kinmaj ni winaq chawe chi lik mas kawaj. Xwiri matb'isonik, mato'ik xaq m-el uwa'al awach.

Lucas 23:28

Xwiri i Jesús xupiskilij rib' xaq xub'ij chke: —Ixoqib' aj Jerusalén, mix-o' chwe yin. Are chixo' chiwe yix xaq chixo' chke iwak'al.