JEREMÍAS 21:4 - Wuj Pa K'ubultzij

⁴ chi i Ajwal, ki-Dios aj Israel, kub'ij: Kin-ano chi ketzalij b'i je awajch'oj chi je are i achiyab' chi je yij che i ch'oj, chi kisutim chik rij i tapial nim uwach re kki'anb'ej ch'oj chrij i ajawinel re i Babilonia xaq chkij aj Caldea, xaq kinmol ni kichi' pa nik'aj che i nim laj tinimit.

JEREMÍAS 21:4 Iomraidhean Croise

ISAÍAS 10:4

We kqajsax ti i'ij xaq we kixk'am tu b'i prexil, kixtzaq ni ku' ni'pa i kekamsaxik. Xwiri i roywal i Ajwal lik ik'awnaq taj, Ire k'a kuch'ach'a usachik iwach.

ISAÍAS 13:4

Ktataj jub'an sik' pa taq es pacha ke jub'an k'iyal winaq. Ktataj jub'an ch'oqowik ke i nimaq taq tinimit, ke i tinimit chi kimolom kib'. I Ajwal chi ronojel ktiki che krik'awsaj kib'i ni'pa uwinaq chi je yijil chu'anik ch'oj.

ISAÍAS 5:5

Kinb'ij ni uri chiwe wach kinch'ob' u'anik che intikonb'al uva: Kwesaj i koral chrij, man kisach ni uwach, kwesaj i koral ab'aj chrij man keje ile kiya'ya uwi.

JEREMÍAS 20:4

Man i Ajwal kub'ij: Kin-an ni chawe chi ka'an ni kamik, xib'rikil, xaq chke konojel awamiy; lik chawach ketzaq ni awamiy ru' ch'ich' chi k'ulala o uware pki'ab' ajch'oj chkij. Keinjach ni konojel i winaq chi je jeqel pa Judá pu'ab' i ajawinel aj Babilonia, chi keuk'am nu b'i chila Babilonia, we ntaj keukamsaj ru' kuchil.

JEREMÍAS 21:3

rumali ma Jeremías xub'ij chke i je utaqom li ma Sedequías: Chib'ij che ma Sedequías

JEREMÍAS 32:24

Rumali wo'or i aj Caldea, ki'anom elb'al b'ik anb'al ch'oj chrij i nim laj tinimit. I nimaq taq ch'oj, wa'jal, xaq i itzel laj taq yob'il, kki'an na chi ronojel i nim laj tinimit ktzaq pki'ab' i je ajch'oj chkij. Ajwal, Yet kawilo chi ktijin u'antajik ronojel ni'pa i ab'im.

JEREMÍAS 32:3

I ajawinel ma Sedequías xutaq utz'apixik ma Jeremías, rumal xub'ij: I Ajwal keje iri kub'ij: “Kin-an na chi i tinimiti ktzaq ni pu'ab' i ajawinel re i tinimit Babilonia,

JEREMÍAS 32:5

I ma Nabucodonosor kuk'am nu b'i ma Sedequías pa Babilonia, chila kkanaj wi k'a kinupon ni yin ru'. Tupu yix ki'an ch'oj chkij aj Caldea, xwiri ile nti uchak. Yin in Ajwal, xinb'iw ile.”

JEREMÍAS 35:17

Rumali, Yin, chi in Ajwal, chi ronojel kintiki che, ki-Dios aj Israel kinb'ij: Kin-an na chi puwi i Judá xaq pkiwi i winaq aj Jerusalén ktzaq ni k'ax laj yob'il chi intzijom. Man yin inb'im chiwe, xwiri yix ikojom ti retalil chwe; in ch'awnaq chiwe xwiri yix ila'om ti uwach chwe.”

JEREMÍAS 39:3

Xaq konojel i je rajpatan i ajawinel aj Babilonia xe'ok b'ik, xekub'i chila chwach uchija chi o pa nik'aj. Ike le, je ma Nergal-sarezer, ma Samgar-nebo, ma Sarsequim, jun nim laj aj-atzil, xaq i jun chik nim laj aj-atzil are ma Nergal-sarezer.

JEREMÍAS 52:18

Xaq lik xkik'am b'i yab'al chaj, jokb'al ulew, k'upb'al chij re tzuk'b'al, nimaq taq laq, nimaq taq lochb'al xaq ronojel i chapb'al chi anch'ich' re ukojik u'ij i Ajwal.

Lamentaciones 2:3

Lik are xpe i nim laj roywal, xuk'atzij ronojel ucho'ab' i tinimit Israel. Xujek' ucho'ab' qu' chi qatob'al te'eq are xojch'ojin ku' i ajch'oj chqij; ¡Lik unak'om jun nim laj a' che i tinimit Jacob chi lik kuk'at b'i ronojel wach i kuriqo!

Lamentaciones 2:5

I Ajwal xu'an pacha taq jun ajch'oj chqij: Lik xusachsaj uwach ronojel i tinimit Israel; xuwulijsaj ronojel i nimaq taq rachoch, xuwulijsaj kikowil, lik xuk'iyarsaj i uyej chrij i tinimit Judá.

Lamentaciones 2:7

I Ajwal lik uxutum i sujb'al sipon, xaq uxutum i lo'laj uk'ijib'al; ujachom pu'ab' i ajch'oj chrij, ronojel i tapial chi usutim te'eq rij i nim laj tinimit re tob'al ib'. ¡Lik k'iyal sik' o prachoch i Ajwal, lik pacha taq ij re nima'ij ktatajik!

Ezequiel 39:3

Te'uri kinpatz' ni k'aqb'al ch'ab' chi awok'am pa'ab' moxim xaq kin-an na chi ketzaq li ch'ab' chi awok'am pa'ab' wiqab'im.

Oseas 9:12

Tupu we ketiki chkik'itsaxik kak'al, Yin lik ke'inmaj ni chke i lik mijun kinya kan chke. ¡Lik to' kiwach i winaqi are kewo'taj kanoq!

ZACARÍAS 14:2

Che i ij le i Ajwal kumol ni kichi' i nimaq taq tinimit re kki'an ch'oj chrij i tinimit Jerusalén. Xaq kkich'ak ni i tinimit, kkel-aj nu b'i ub'itaq ke pa kachoch, kechap ni kixoqil pa cho'ab' i kkimin kib' ku' xaq kek'am nu b'i nik'aj chke uwinaq. Xwi nik'aj chik kekanaj ni pa Jerusalén.

Mateo 22:7

Rumali, i ajawinel lik xpe roywal che; xeutaq b'i uwinaq chi je yij che i ch'oj chkikamsaxik ni'pa i xe'anaw i kamik le, xaq chuporoxik i kitinimit.