JEREMÍAS 19:11 - Wuj Pa K'ubultzij

¹¹ xaq chab'ij chke: I Ajwal chi ronojel ktiki che kub'ij: “Kin-an ni ch'aqa taq che i tinimit le xaq che i nim laj tinimiti pacha ku'an jun winaq chi ku'an ch'aqa taq che jun ulew kukub', chi k-ani ti chik tikilem chuyijb'axik. I winaq lik kekimuq ni kamnaq chila pa Tofet, rumal nti chik jun k'ijib'al ipa kekimuqu wi.

JEREMÍAS 19:11 Iomraidhean Croise

Salmos 2:9

Ru' ch'amiy ch'ich' ka'an ni ch'aqa taq chke i ajawinelab'; lik ch'aqa taq ka'an chke pacha taq upaxixik jun ulew b'oj.”

Proverbios 6:15

Rumali xaqte'et kpe i tojpen puwi, lik keje pacha jumutz'aj b'a'wachij keje uk'unik i tojpen ile puwi.

ISAÍAS 30:14

Lik ksachsax ni iwach pacha k-an che jun xar ulew, chik lik ronojel k-on mutmut, chi nti chik jun ch'aqap kuriq taq uchak re elsab'al li a'al pa a', mitene kuriq uchak elsab'al li ya pa k'otom.”

JEREMÍAS 13:14

Te'uri keinpaxij na pacha upaxixik i xar, to' chkiwach ike kki'an kib', qajawxelab' ku' kak'al, xaq i chuchxelab' ku' kak'al. Lik kwil ti tob'al kiwach, kinsach ni kiwach, mixat jub'i' kwil tob'al kiwach xaq mixat jub'i' k'ax taq kuna ink'ux. Yin in Ajwal, xinb'iw ile.

JEREMÍAS 19:12

Keje ile kin-an che i tinimit le xaq chke ni'pa i je jeqel chwach. Kin-an ni chke pacha xin-an che i Tofet. Yin in Ajwal, xinb'iw ile.

JEREMÍAS 19:6

Rumali kuriqa ni jun ij chi i k'ijib'al le, kb'ix ti chik Tofet xaq ta'aj re i Ben-hinom che, are kb'ix che Ta'aj re Kamsanik. Yin in Ajwal, xinb'iw ile.

JEREMÍAS 25:34

¡Chixsik'inoq, ix, ajyu'ul chij, chixsik'in rumal uk'axk'ol! ¡Yix, chi je iwok'am i chij, chib'alk'atij iwib' pa taq ulew! Man ya xuriq i ij re i kamsanik, xaq yix kixkamsax na pacha kikamsaxik i ti'ojib' chij.

JEREMÍAS 48:38

“Che ronojel uwi i ja re tinimit Moab xaq ronojel pa taq b'e lik xwi ktataj o'ej, man yin lik xinwulijsaj i tinimit Moab pacha jun ulew xar paxnaq. Yin in Ajwal, xinb'iw ile.”

JEREMÍAS 51:63

Xaq are kamayij rajlaxik uwach i wuji, chaxima jun ab'aj che te'uri chak'aqa b'i pa raqana Éufrates,

Lamentaciones 4:2

I winaq re Sion, lik k'ax kena'ik, konojel ile chi o ki'ij pacha i an-o'oj, wo'or antal chke chi pacha taq je b'oj re ulew chi xa je anom rumal jun aj-anol b'iroxik re ulew.

Hechos 21:11

Are xupon chqawach, xuk'am i ximb'al upam ma Pablo, xuyut' che i raqan xaq che i u'ab', te'uri xub'ij: —I Lo'laj Utewal i Dios kub'ij, chi chila pa Jerusalén keje iri kki'an ni aj Judío che i rajaw i ximb'al pamaji xaq kkijach ni pki'ab' i ne te aj Judío —xcha ma Agabo.

Apocalipsis 2:27

Yin o atb'al tzij pin-ab' pacha uya'om Inqajaw chwe. Lik o ni kicho'ab' chu'atik tzij pkiwi i tinimit ru' kich'amiy ch'ich'. Kki'an ni chke pacha jub'an b'oj ulew kekipaxij; lik kki'an ch'aqa taq chke. Xaq kinya ki'ij pacha uchomal i nim laj ch'umil re usaqirb'al.