JEREMÍAS 15:3 - Wuj Pa K'ubultzij

³ Yin, chi in Ajwal, kinb'ij iri: Kintaq b'i kajib' jalajuj taq utojb'alil piwi: Kixkamsax ni pa nimaq taq ch'oj, kixkichararej ni tz'i, kixkitij ni i tz'ikin ajtijol taq ti'ij, xaq kixkitij nu b'i i itzel taq chikop.

JEREMÍAS 15:3 Iomraidhean Croise

Salmos 68:23

man kkaqir ni awaqan chupam kikik'el i je ajch'oj chawij, xaq i atz'i' kkitu' nu b'ik.”

ISAÍAS 18:6

Ronojel lik ko'tax ni kan chila tzam taq jyub' chke i tz'ikin ajtijol taq ti'ij xaq chke itzel taq chikop. I tz'ikin chila na kki'an wi i sa'ij, xaq konojel chikop aj pa taq es kekanaj ni chila pa alaj.”

JEREMÍAS 12:9

Intinimit lik keje pacha jun tz'ikin chi lik chom rismal, chi kki'an ch'oj jub'an chik tz'ikin chrij. ¡Iwonojel yix chikop aj pa taq es chixpetoq, chimolo iwib' chutijawik jun nim laj wa'im!

JEREMÍAS 14:12

Tupu lik k'iyalmul kimayij iwa'im chutz'onoxik chwe, kinta ti itz'onb'enik, tupu lik k'iyal taq umuyal uk'ok'al xaq i sipon ch'irajil kik'am li chwe, xwiri yin kink'am ti chiwe. I tinimit le kinsach ni uwach ru' nimaq taq ch'oj, ru' wa'jal xaq ru' itzel taq yob'il.”

JEREMÍAS 14:16

I tinimit ipa kkib'ij wi ile kkam ni rumal i nimaq taq ch'oj xaq rumal i wa'jal, junam ku' kixoqil, kik'ojol xaq i kimi'al. I kich'akul i kamnaq kejab'ix ni pa taq b'e re i tinimit Jerusalén, xaq nti jun kemuquwik. Keje ni utojik kimak ile kin-an chke.

JEREMÍAS 16:4

Kekam ni rumal k'ax laj taq yob'il xaq lik mijun ko' taq chke xaq mitene kemuqik, lik keteli kan chwach taq ulew, pacha taq achaq. I nimaq taq ch'oj xaq i wa'jal kuk'is ni kiwach ike, xaq i kich'akul i kamnaq ketijaw nu b'i kumal i tz'ikin ajtijol taq ti'ij xaq kumal itzel taq chikop.”

JEREMÍAS 7:33

I kich'akul i kamnaq le kajwax ni re kkitij i tz'ikin chi je ajtijol ti'ij, xaq chke itzel taq chikop xaq lik nti ke'oqtaw b'ik.

Lamentaciones 3:11

Xinujech'b'a b'i che inb'e, xaq xutij inchapik, ¡Lik xuya kan nim laj xib'rikil chwe!

Ezequiel 14:21

Yin in Ajwal, kinb'ij: Lik mas xib'in ib' ru', are kintaq b'i chrij i tinimit Jerusalén kajib' utojb'alil kimak, chi are iri: Ch'oj, wa'jal, itzel laj taq chikop xaq i yob'il chi keukamsaj i winaq xaq i chikop.

Ezequiel 33:27

Xaq chab'ij chke: Keje iri kub'ij i Ajwal: Lik kinsaqij pub'i ink'aslemal chi ni'pa i je jeqel pa taq tinimit chi je o puyej, lik kekamsax na, i jub'an chi je jeqel pa taq es, kin-an na chi ketijaw kumal itzel taq chikop, xaq i jub'an chi je jeqel xol taq ab'aj xaq i jub'an chi je jeqel pa taq pek, kekam ni rumal yob'il.

LEVÍTICO 26:16

Yin kin-an uri iri chiwe yix: Kintaq na li jun nim laj xib'rikil piwi xaq ich'akul kutij ni jalajuj k'ax laj taq yob'il, a' tew, yob'il wachij, ch'akulaj chi to' kt'ub'ub'ik; lik nti kuya re chiwe chi kixtikanik man are i je ajch'oj chiwij ketijaw b'i uwach i tikon.

LEVÍTICO 26:22

Keinkoj nu b'i itzel taq chikop chixol chi kkitij nu b'i iwak'al, kki'an ni ch'aqa taq chke ichikop xaq lik laj kixkik'is ni yix xaq lik nti jun winaq chi to' kb'in chik pa taq b'e.

LEVÍTICO 26:25

Yin kin-an ni chke i je ajch'oj chiwij chi kixkikamsaj ni ru' ch'ich' rumal xiqel intrat. Are uri yix kix-anmaj b'i pitinimit chuto'ik iwib', are uri Yin kinya na li jun yob'il piwi man keje ile kixtzaq ni pki'ab' i je ajch'oj chiwij.

AMÓS 5:19

Kuk'ulmaj che i ij le pacha are k-anmaj jun winaq chwach jun koj i kuk'ulaj chwach jun yum, xaq keje jun are kok prachoch, ku'ayb'a rib' chwach xan, i kraxix rumal jun kumatz.

Deuteronomio 28:26

Konojel i k'uch xaq i jalajuj itzel taq chikop kkitij ni ati'lal are at kamnaq chik xaq lik mijun kexib'iw b'ik.

Deuteronomio 32:24

Kekam ni rumal numik xaq rumal i a' tew chkij; jun nim laj yob'il kekamsaw na. Keintaq nu b'i jalajuj itzel taq chikop chkij xaq i b'enen laj taq kumatz.

Apocalipsis 6:8

Xintaqej, xaq xwil jun kaway an-oj rij, i kul chrij “Kamik” ub'i. Xaq o jun chik teren li chrij are i ajawinel re i kamik. Chke i keb' le xya' pki'ab' kkikamsaj uk'iyal winaq chwach i jyub' ta'aj, we k-an ni kajib' tzob'aj chke, kekamsax ni jun tzob'aj che i kajib'. Are i kik'iyal i winaq kekamsax na. I kamsab'al ke kki'ano: Ru' ch'oj, ru' wa'jal, ru' yob'il, xaq ru' taq itzel chikop re uwach i jyub' ta'aj.