GÉNESIS 48:11 - Wuj Pa K'ubultzij

¹¹ Are uri xub'ij mam Israel che ma José chi uk'ojol: —Inch'ob'om ti yin we k'a kwil awach, xwiri i Dios xu'an chwe chi xaq xwil kiwach uwi inmam.

GÉNESIS 48:11 Iomraidhean Croise

GÉNESIS 37:33

I mam Jacob are xril ub'e chi lik are u'u' uk'ojol xsik'in chub'ixkil i tziji: “¡Lik are u'u' ink'ojol iri; ile lik jun itzel chikop x-anaw ch'aqa taq che xaq xutij b'ik!” Xcha.

GÉNESIS 37:35

Konojel uk'ojol xaq konojel umi'al kkiyu'uj uxikin xwiri ire xraj taj chi kyu'ux uxikin man xub'ij: “Yin lik kinb'ison ni che ink'ojol, k'ate kinmayij la we xinkamik.” Xcha. Rumali mam Jacob xumayij ti o'ej che uk'ojol.

GÉNESIS 42:36

Are uri ma Jacob xub'ij chke i rak'al: —Yix kixtijin b'i chkik'isik iwatz icha': A José xaq i a Simeón je nti chik qu', ¡Wo'or kiwaj kik'am chub'i a Benjamín! Ronojel is utz ti kin-el ru' —xcha kiqajaw.

GÉNESIS 45:26

Are xeuponik, xkib'ij che kiqajaw: “Ta, i a José k'a k'aslik, kamnaq taj, are ire o puwi ronojel ulew pa Egipto”; xecha. I ma Jacob laj xel uk'ux are xuta ile, xwiri xaq lik xukoj ti chke uk'ojol.

GÉNESIS 48:10

I mam Israel ktzun ti chik mas rumal urijal, rumali keril ti chik i ri umam. Are uri ma José xeutejeb'saj pan ru' uqajaw chi mam Israel, ire xeutz'ub'aj xaq xeutz'ulej.

GÉNESIS 48:12

Are uri ma José xeresaj i rak'al chuxol uch'ek i kimam, ire xxuki'ik, xuqajsaj upalaj k'a chwach ulew.

Salmos 128:6

Lik kawil kiwach awi amam. ¡Ch-ol ni chomb'al ib' puwi i tinimit Israel!

Proverbios 17:6

I kikoron i rijab' je are i ki kimam, xaq i ki'ij kichomal i alk'uwalxelab' je are i kiqajaw kichuch.

Efesios 3:20

K'amori che i Dios chi ktiki chu'ankil che qak'ux chi o mas puwi ronojel taq i kqatz'onoj che, o mas puwi ronojel i kqach'ob'o; ku'an ru' ucho'ab' Utewal chi kchakun pqak'ux.