GÉNESIS 4:1 - Wuj Pa K'ubultzij

¹ I achi xumin rib' ru' rixoqil chi al Eva. Ire xk'aqtajik, te'uri xalax jun ralab' chi xuya pub'i a Caín, i al Eva le xub'ij: “Ru' utob'al i Ajwal xwalaj jun walab'.”

GÉNESIS 4:1 Iomraidhean Croise

GÉNESIS 3:15

Kinkoj ni ch'oj chixol ru' ixoq le, xaq chkixol amuq axikin ku' umuq uxikin ixoq le; i umuq uxikin i ixoq le kkiwach' ni ajolom, xwiri yet karaxij ni kixtixil. Keje ile xub'ij i Dios che i kumatz.

GÉNESIS 3:24

Are xe'elsax b'i i winaq le, i Dios xeukoj jub'an querubín prelb'al ij che i tikonb'al Edén, xaq xukoj jun ch'ich' chi k'ulala o uware chi ktoqow a' che, chi k'ulala k-ek, tz'apb'al re i b'e chi k-e ru' i che' re i k'aslemal.

GÉNESIS 4:2

Te'uri xalax chik ukab' ralab' xuya pub'i Abel. Are xek'iyik, i Abel le xu'an uchak che i yu'uj chij xwiri i ratz chi a Caín xu'an uchak che i tikanik.

GÉNESIS 4:25

Ma Adán xumin chik rib' ru' rixoqil, are uri rixoqil le xalax chik jun ralab', xuya pub'i a Set, ire xub'ij: “Man i Dios xuya chik jun walab' puk'exel Abel chi xkamsax rumal a Caín chi ratz, rumali kinya pub'i a Set.” Xcha.

GÉNESIS 5:29

chi xuya pub'i a Noé, man xub'ij. I Ajwal xuk'oqoj i jyub' ta'aj: “Xwiri i ak'al le kuya ni uxlanem chqe che i k'ax laj qachak chi kqa'an ru' qa'ab' chwach i jyub' ta'aj.”

Salmos 127:3

I qak'al chi kealaxik ile lik nim laj utzil chomal re i Ajwal.

NÚMEROS 31:17

Te'uri xub'ij chke: Su' wo'or cheikamsaj konojel ral taq alab'om, xaq su' cheikamsaj konojel ixoqib' chi kiminom chik kib' achiyab' ku'.

1 Juan 3:12

Mqa'an qe yoj pacha xu'an i a Caín; ire xa re Itzel man xukamsaj ucha'. ¿B'uchak xukamsaj? Man ni'pa i xu'an a Caín lik utz taj, xwiri ni'pa i xu'an ucha' lik utz.