GÉNESIS 39:1 - Wuj Pa K'ubultzij

¹ Are xk'am b'i a José pa Egipto kumal i aj Ismael, ike le xkik'ayij che jun achi chi o upatan chrij ma faraón, i achi le ma Potifar ub'i, kaj-atzil i chajal.

GÉNESIS 39:1 Iomraidhean Croise

GÉNESIS 37:25

Are x-antaj ile xekub'i chwa'im, xaqte'et xkil pan chinaj chi ktijin kik'unik jub'an winaq aj Ismael, je petnaq k'a Galaad lik keb'alk'at kikamey chuxe' i kunb'al muy, bálsamo xaq i mirra kkik'am b'i pa Egipto.

GÉNESIS 37:28

Are xeik'aw i ajyakol k'ayij chi je aj Madián are uri xkesaj li a José chupam i k'otom xkik'ayij b'i chke, juwinaq saqpwaq xkiya wi b'ik. Keje uk'amik b'i a José ile chila pa Egipto.

GÉNESIS 37:36

I je aj Madián xkik'ayij a José chila pa Egipto che jun achi ma Potifar ub'i, i achi le o upatan chrij ma faraón, xaq kaj-atzil i chajal.

GÉNESIS 40:3

rumali xeumin prexil chi rachoch i aj-atzil ke i chajal, chila ipa tz'apil wi a José.

GÉNESIS 45:4

Are uri a José xub'ij chke: —Chixtejeb' loq. Are xetejeb' pan ike, xub'ij chke: —Yin in icha' chi a José, chi xinik'ayij li waral pa Egipto.

Salmos 105:17

Xwiri xutaq b'i jun achi chkiwach, chi are a José chi k'aytal b'ik pacha mokom chi o pa k'ax rumal i rajaw.

Hechos 7:9

I je uk'ojol ma Jacob le chi je are qatit qamam, tzel xkil kicha' chi ma José rumali xkik'ayij b'ik, xk'am b'i pa Egipto. Xwiri i Dios lik o ru' a José,