GÉNESIS 26:22 - Wuj Pa K'ubultzij

²² Are uri xel ma Isaac chila x-e naj xaq xu'an chik jun k'otom, xaq nti chik jun x-anaw ch'oj chkij, rumali xuya pub'i i k'otom le Rehobot xaq xub'ij: I Ajwal xuya jun k'ijib'al chqe, man kojk'iyar ni chwach ulewi xaq kqatij ni utz chwach; xcha.

GÉNESIS 26:22 Iomraidhean Croise

ÉXODO 1:7

Xwiri i je aj Israel lik je k'i kak'al xaq xek'iyarik. Rumali chi lik o kicho'ab' lik xnoj uwach ronojel ulew Egipto ipa je o wi, rumal kik'iyal.

GÉNESIS 17:6

Kin-an ni chawe chi lik katk'uwalinik, lik je k'i ni amuq axikin, xaq lik ke'on ni k'iyal taq tinimit, chkixol ike le kewinaqir ni k'iyal taq ajawinelab'.

Salmos 118:5

Chupam inb'is xinkuxtaj xinnataj ub'i i Ajwal, Ire xula' uwach chwe xaq xinresaj chupam i b'is.

GÉNESIS 41:52

I ukab' rak'al xuya pub'i a Efraín, man xub'ij: “I Dios xu'an chwe chi xink'uwalin chwach i jyub' ta'aj ipa intijom wi uyej.” Xcha.

Salmos 18:19

Xinresaj chisaq, ¡Xinuto, man lik k'ax kinuna'o!

Salmos 4:1

In-Dios chi at tol we, ¡Chala'a uwach chwe are katinsik'ij! Yet, chi xinawesaj chupam i k'ax, ¡Lik chawila tob'al inwach xaq chata wach kintz'onoj chawe!

GÉNESIS 28:3

I Dios chi ronojel ktiki che, chuya ni utzil chomal pawi, chu'ana ni chawe chi katk'uwalinik xaq i amuq axikin ke'on ni k'iyal taq tinimit.

GÉNESIS 26:21

Te'uri i umokom ma Isaac xki'an chik jun k'otom, xaq xki'an chik ch'oj puwi, rumali ma Isaac xuya pub'i i k'otom le Sitna.

ISAÍAS 54:2

Chanimarsaj awachoch wu'wik, maxij awib' chuli'ik b'i uwach i k'ul re wu'wik ja ipa at jeqel wi, chanimarsaj u'ab' i laso chapb'al re xaq lik ko chatika i estaka.

ISAÍAS 54:3

Man kepax nu b'i kiwach amuq axikin pa wiqab'im xaq pa moxim; i je amuq axikin kkich'ak ni kik'ux k'iyal nimaq taq tinimit xaq kejeqi ni chwach i tinimit chi wo'or lik pacha tz'inilik jyub'.

Salmos 119:32

Lik kinb'isoj u'anik pacha kub'ij atzij apixab', man anojsam i wanima che i kikotemal.