GÉNESIS 19:12 - Wuj Pa K'ubultzij

¹² Are uri i ángel xkib'ij che ma Lot: —We k'a je o jub'an chik awalk'uwal che i tinimiti cheawesaj b'ik, lik naj cheak'ama b'i junam ku' ak'ojol, ami'al, aji' xaq konojel ni'pa i je o pa'ab',

GÉNESIS 19:12 Iomraidhean Croise

GÉNESIS 19:11

Are uri i ángel xki'an mawach chke konojel i winaq chi xkit'ub'ij kib' chwach uchija, che alab'om xaq che rijab'; xaq xekos chutzukuxik uchija.

GÉNESIS 19:13

man yoj kqachup uwach i tinimiti rumal kimak i winaq, chi uponnaq chwach i Ajwal chi lik kch'ijaw ti chik; rumali xojutaq li chuchupik uwach —xecha.

GÉNESIS 19:14

Are uri ma Lot xlapan ku' alab'om chi kib'im chik kek'uli ku' umi'al, xub'ij chke: —¡Chixwalijoq alab'om, chixel che i tinimiti, man i Ajwal kuchup uwach! Xwiri i alab'om le xkich'ob' ike chi xa kjunman ma Lot ku', rumali xewalij taj.

GÉNESIS 19:17

Are je elnaq chik pa tinimit, jun chke i ángel xub'ij che ma Lot: —Chat-anmaj chuto'ik ak'aslemal, mattaqen chawij, xaq to' mattak'i taq pa taq b'e che ronojel i ta'aj le, jat k'a chwi jyub', man ksach ti awach chupam i tojpen chi kpe puwi i tinimiti.

GÉNESIS 19:22

Xwiri chab'isoj, su' chat-anmajoq, man kinchup ti uwach i Sodoma xaq i Gomorra le we k'amaja katupon che i k'ijib'al —xcha i ángel che. Rumali i tinimit le ipa xuto wi rib' ma Lot, xkanaj pub'i Zoar.

GÉNESIS 7:1

I Ajwal xub'ij che ma Noé: “Chatok b'i chupam i nim laj kanuw chi pacha ja, junam ku' awalk'uwal, man wilom chi xwi yet suk'ul ak'aslemal chkixol konojel i winaq.

JEREMÍAS 32:39

Kin-an na chi xaqjun ni kich'ob'onik, man keje ile kkikoj ni in-ij Yin, xaq utz ni ke'el ru' kik'aslemal ike xaq ke i kak'al ronojel ij saq.

JEREMÍAS 51:45

Intinimit, chat-el chila. ¡Lik chkijujunal chkito kik'aslemal chwach i nim laj woywal!

NÚMEROS 16:26

Are uri ma Moisés xub'ij chke aj Israel: —Chixel chila ipa o wi jub'an ja wu'wik k'ul ke i je utz ti laj taq winaq le, xaq miyin ub'itaq ke chke, man we kiyino, kixkam ni rumal kimak ike.

2 Pédro 2:7

Xwi i ma Lot xtotaj chwach i a' le rumal i Dios, man utz laj winaq; ire ax kb'ison wi rumal i utz taj chi kki'an itzel laj taq winaq le.

2 Pédro 2:9

Chi kqil wi chi i Dios lik reta'am kito'ik chwach i k'ax ni'pa i kijachom kib' pu'ab' Ire. Xaq keuya ni pa k'ax konojel ni'pa i utz ti kki'ano, kkitij ni k'ax are kk'un u'atik tzij pa k'isb'al ij.

Apocalipsis 18:4

Te'uri xinta jun chik ch'awb'al xch'aw chikaj, xub'ij: “Chixel chupam i tinimit le, ni'pa yix ix intinimit. Chixel chila, moqxa kixmakun taq pacha kki'an ike le, moqxa kitij ni tojpen pacha i kkitij ni ike chkij.