GÉNESIS 16:3 - Wuj Pa K'ubultzij

³ Rumali i tit Sarai xujach rajke'el chi ati Agar aj Egipto, pu'ab' mam Abram re rixoqil. Ile xuk'ulmaj are o chik lajuj junab' ujeqelem mam Abram chila Canaán.

GÉNESIS 16:3 Iomraidhean Croise

GÉNESIS 16:16

I mam Abram le o chik waqib' kajwinaq (86) junab' che, are xuk'uwalij a Ismael.

GÉNESIS 16:4

I mam Abram, xumin rib' ru' ati Agar, are uri ati Agar le xk'aqtajik; are xunab'ej ati Agar chi raxwinaq chik xujeq uyo'yaxik tit Sarai chi rajaw uchak.

GÉNESIS 16:5

Are uri i tit Sarai le xub'ij che mam Abram: —Amak yet chi ati Agar ktijin chinyo'yaxik, yin neri xinjachaw i wajke'el le pa'ab', xwiri wo'or chi xunab'ej raxwinaq chik, xujeq inyo'yaxik. ¡Chu'ata ni tzij uri i Ajwal pqawi awu', we yin in ajmak o we yet!

GÉNESIS 21:21

I tz'inilik jyub' chaqij le ipa xjeqi wi are Parán; i ati Agar xuk'ulb'a i ralab' le ru' jun ixoq aj Egipto.

GÉNESIS 25:6

Xwiri i rak'al mam Abraham ku' jub'an chik ixoqib', xwi xusipaj jalajuj taq b'iroxik chke; xaq are k'a k'aslik xeutaq b'i naj, k'a che ulew prelb'al ij, jachb'al kixol ru' uk'ojol chi a Isaac.

GÉNESIS 28:9

rumali tupu je o chik rixoqil aj Canaán, x-e chik k'a chila ipa jeqel wi ma Ismael chi uk'ojol kan etz mam Abraham, xk'uli ru' umi'al ma Ismael chi al Mahalat ranab' a Nebaiot.

GÉNESIS 30:4

Keje u'anik ile chi ati Raquel xuya i rajke'el chi al Bilha che i rachijil, i ma Jacob xumin rib' ru'.

GÉNESIS 30:9

Are xunab'ej ati Lea chi ire kalan ti chik, are uri xaq xuya i rajke'el chi ati Zilpa che i rachijil.

GÉNESIS 32:22

Xaq che a'ab' le xwalij ma Jacob, xeuk'am i keb' rixoqil, keb' rajke'el xaq i julajuj rak'al, xeu'atsaj che i raqana Jaboc, chila ipa xax wi uwach i ya.

GÉNESIS 35:22

Are je o chik chila che i k'ijib'al le i ma Rubén xumin rib' ru' ati Bilha chi qas ti mer rixoqil uqajaw; i ma Israel are xretamaj lik xpe roywal. I ma Israel xeuk'uwalij kab'lajuj rak'al.

2 Samuel 5:13

Chrijil chik relik ma David pa tinimit Hebrón, are xupon pa Jerusalén, xeutzukuj chik jub'an rixoqil xaq jub'an chik qas ti mer je rixoqil chi xkalaj kak'al, alab'om xaq altom.

1 Reyes 11:3

Je jo'lajujwinaq jumo' (700) ixoqib' chi lik xu'an rixoqil chke, xaq je jo'lajujwinaq (300) ixoqib' chi je qas ti mer rixoqil. Xa kumal ixoqib' le, ire xjech'ab' unojb'al.

Gálatas 4:25

I ixoq Agar le xinjunamsaj ru' i trat antal tzam jyub' Sinaí chila pa Arabia, chi wo'or ke'eloq are i Jerusalén. Ike je pacha i rak'al i ixoq Agar chi xa ajtaqon ru' ja, man xaq ike je keje pacha i ajtaqon chi je o pu'ab' i kajaw junam ku' i rak'al.