GÉNESIS 12:6 - Wuj Pa K'ubultzij

⁶ i mam Abram xeik'aw chupam ronojel ulew Canaán xeupon k'a che ulew Siquem, chila ipa o wi i sik'al More. Che taq i ij le je are aj Canaán je o chwach ulew le.

GÉNESIS 12:6 Iomraidhean Croise

GÉNESIS 10:15

I ma Canaán xuk'uwalij a Sidón, ile are nab'e rak'al, te'uri a Het, ire le xeuk'uwalij

GÉNESIS 13:7

Rumali xpe i ch'oj chkixol ajyu'ul uchikop ma Abram ku' ajyu'ul uchikop ma Lot. Xaq che taq i ij le i je aj Canaán, xaq i je aj Ferez je jeqel chila chwach ulew le.

GÉNESIS 33:18

I ma Jacob lik utz uwach are xupon chik chila pa tinimit Siquem, I Siquem le o chila chupam ulew Canaán, chila xjeqi wi chwach i tinimit Siquem, are xpe chila che i tinimit Padan-aram.

GÉNESIS 34:2

I a Siquem chi uk'ojol ma Hamor chi aj Jiw ire le are aj-atzil re i tinimit, are xril uwach al Dina xuchap pa cho'ab' rumali xuqajsaj u'ij,

GÉNESIS 34:30

Are xril ma Jacob chi xeupon uk'ojol chi a Simeón xaq i a Leví kok'am b'i jalajuj taq chikop, ixoqib' xaq i ak'alab' are uri xub'ij chke: —Yix xinimin chupam jun nim laj ch'oj, wo'or i aj Canaán xaq i aj Ferez chi je jeqel waral kpe ni titat kipam chwe. We xkimol li kib' ike chwij re kamsab'al we, lik kinkikamsaj ni uri yin xaq konojel i walk'uwal, man yin je k'i ti inwinaq —xcha.

GÉNESIS 35:4

Are u'ankil uri chi xkijach ronojel ni'pa i jalajuj taq tiox che ma Jacob xaq i arit chi o che kixikin, te'uri ma Jacob le x-e chumuqik chuxe' jun sik'al chi o naqaj che i Siquem.

1 Reyes 12:1

I ma Roboam x-e pa tinimit Siquem, man konojel i winaq aj Israel xe'e chila chuya'ik kan ire pa ajawinel.

1 Reyes 12:25

Ma Jeroboam xutaq uyijb'axik i tinimit Siquem chi o pa taq jyub' re ma Efraín, chila xjeqi wi. Te'uri xutaq uyijb'axik i tinimit Penuel.

Salmos 60:6

I Dios ub'im iri chila pa lo'laj uk'ijib'al: “¡Lik ru' jun nim laj kikotemal kinjach i Siquem, xaq kinjach i ta'aj re i Sucot!

Oseas 6:9

I je ajsujul sipon je are jutzob'aj ili'omab' je kik'ak'alim i winaq; kekamsan pa taq b'e re i Siquem lik k'ixb'al chkiwach i winaq wach i kki'ano.

Juan 4:5

Ire xupon che jun tinimit Sicar ub'i re i ulew Samaria. Naqaj che ulew chi uya'om etz mam Jacob che uk'ojol, chi a José.

Hechos 7:16

I kich'akul ike le xek'am b'i pa Siquem, chila xemuq wi chupam i muqb'al kamnaq chi ulo'om kan etz mam Abraham chke i rak'al ma Hamor, chila Siquem.

Deuteronomio 11:30

I keb' jyub' le o chila ch'aqa ya che i raqana Jordán, pusuk' b'i i b'e chi k-e puqajb'al ij chupam kulew aj Canaán, chi je o chila chwa ta'aj chi Arabá ub'i, chwach i tinimit Gilgal xaq naqaj che i nimaq taq che' sik'al chi More ub'i.

Hebreos 11:9

I mam Abraham x-e jeqel che i ulew chi Dios usujum che; chila xk'iji wi pacha jun aj naj. Xuch'ijo man kul uk'ux che i Dios; reta'am chi k-on panoq kya' ni che ni'pa i sujum che. Xjeqi chupam i wu'waq taq ja, xaq keje ni ma Isaac, chi rak'al mam Abraham; xaq keje ni ma Jacob chi ri umam. Xaq chke ike, i Dios usujum i ulew le.

JOSUÉ 20:7

Are uri i je aj Israel xkich'ik rij jub'an tinimit re tob'al ib' chi are iri: Cedes chi o pa Galilea, chila tzam taq jyub' pa rulew ma Neftalí, a Siquem chila tzam taq jyub' pa rulew ma Efraín, xaq i Quiriat-arba chi xaq Hebrón kb'ix che, chi o tzam taq jyub' chila pa rulew ma Judá.

JOSUÉ 24:32

I ub'aqil ma José chi kik'amom li aj Israel pa Egipto, xkimuq chila Siquem pa rulew ma Jacob chi xulo' chke i je aj Hamor chi jo'winaq saqpwaq utojom. I ulew le xkanaj pki'ab' umuq uxikin ma José.

Jueces 7:1

I ma Gedeón, chi wo'or ma Jerobaal chik ub'i, xaq konojel ni'pa je o ru' we' xewalijik xeki'ana jun kik'ijib'al chila naqaj che i ralaxb'al ya pa Harod. I k'ijib'al ipa je o wi aj Madián xkanaj pa moxab' chke, chila chwa ta'aj chi o xe jyub' More.

Jueces 9:1

Ma Abimelec chi rak'al ma Jerobaal x-e pa Siquem che i lapanik ru' i ralk'uwal rumal uchuch, xub'ij chke: