GÉNESIS 11:2 - Wuj Pa K'ubultzij

² Are xe'el chila pusuk' i relb'al ij, xkiriq jun nim laj ta'aj che ulew Sinar; xejeqi chila.

GÉNESIS 11:2 Iomraidhean Croise

GÉNESIS 10:10

I nimaq taq tinimit chi xk'iji pu'ab' are iri: Babel, Erec, Acad xaq i Calne, ronojel i tinimit le chupam ulew Sinar o wi.

GÉNESIS 11:1

Che taq i ij le xa jun te'eq kich'ab'al i winaq chwach ronojel uwach i jyub' ta'aj.

GÉNESIS 11:9

Are u'ankil uri chi xkiya pub'i i nim laj tinimit le, Babel, man chila xyoj wi kich'ab'al konojel i winaq rumal i Ajwal xaq xeukichersaj b'i chwach i jyub' ta'aj.

GÉNESIS 13:11

Are uri i ma Lot xu'ul ronojel i ta'aj re i Jordán; te'uri x-e jeqi chwach i ta'aj le chila prelb'al ij, keje ujachik uri kixol ma Abram ile ru' rika' chi ma Lot.

GÉNESIS 14:1

Xuk'ulmaj che taq i ij le, chi ma Amrafel, are ajawinel re i tinimit Sinar, ma Arioc are ajawinel re i tinimit Elasar, ma Quedorlaomer, are ajawinel re i tinimit Elam xaq ma Tidal, are ajawinel re i tinimit Goim,

ISAÍAS 11:11

Che i ij le i Ajwal kuk'ut chik ucho'ab' re kuyu'uj chik kixikin utinimit chi xekanaj kanoq, ku'an ni chke chi ke'el li pa Asiria, pa Egipto, pa Patros, pa Etiopía, pa Elam, pa Sinar, pa Hamat xaq ni'pa i tinimit chi je o chi taq mar.

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

ZACARÍAS 5:11

Ire xula' uwach chwe: “Kkiyak jun rachoch tiox pa Babilonia. Are ya utzinnaq chik uyakik i ja le, kkiya ni pajb'al le chila puwi ukub'ib'al.”