ÉXODO 9:25 - Wuj Pa K'ubultzij

²⁵ I saqb'ach le lik x-on mutmut che ronojel ni'pa o chwach ulew Egipto, x-on mutmut chke i winaq xaq chke i chikop, xusach uwach ronojel ni'pa i tikon xaq xu'oqij li ronojel ni'pa u'ab' taq che'.

ÉXODO 9:25 Iomraidhean Croise

Salmos 78:47

Xusach uwach kitikon ru' saqb'ach xaq xusach uwach ki-higuera ru' chun tew.

Salmos 78:48

Kichikop xaq kichij xekam rumal saqb'ach, xaq rumal i ray.

ÉXODO 9:19

rumali su' chataqa kik'olik ub'itaq awe xaq achikop chi je o pa taq es, man konojel i winaq xaq konojel i chikop chi je o chisaq kekam ni rumal i saqb'ach. Keje ile chab'ij che”; xub'ij i Dios che ma Moisés.

ÉXODO 9:24

Lik kt'iqiq i saqb'ach xaq lik kraqlaj i ray chupam. Lik ilom ti ile ni'pa ujeqanik li tinimit Egipto pacha x-ono le.

ÉXODO 9:6

I Ajwal lik keje ile xu'ano, man chukab' ij xekam konojel kichikop aj Egipto, xwiri i kichikop aj Israel mijun xkam chke.

Ezequiel 13:13

Rumali, Yin in Ajwal, kinb'ij: Are kpe i nim laj woywal kin-an na chi kpe jun nim laj jab' tew upam; xaq kin-an na chi kpe jun nim laj jab' saqb'ach upam pacha taq ab'aj, man keje ile kinsachsaj uwach ronojel ru' nim laj woywal.

JOSUÉ 10:11

Tz'aqat ktijin ki'anmajik i aj Hamor chkiwach i aj Israel chila chuxol i keb' tinimit Bet-horón xaq i Azeca, are uri i Ajwal xutzaqsaj li nimaq taq saqb'ach pkiwi i aj Hamor, lik je k'i xekam rumal i saqb'ach le chwach i xekam ru' ch'ich' ke i aj Israel.