ÉXODO 8:3 - Wuj Pa K'ubultzij

³ I raqana Nilo keupo'saj na li k'iyal taq ixtutz', te'uri ke'el loq, ke'ok ni pa nim laj awachoch, pawarb'al xaq ke'an ni chwi ach'at, ke'ok ni pa taq kachoch i je awajpatan, xaq ke'ok ni pa taq kachoch awinaq. Ke'ok ni chupam cha'sab'al awa re trigo xaq chupam i yot'b'al awa.

ÉXODO 8:3 Iomraidhean Croise

SEGUNDO LIBRO DE CR%D3NICAS 22:11

Xwiri ati Josabet, chi umi'al i ajawinel ma Joram, xresaj a Joás, chi uk'ojol ma Ocozías chkixol i jub'an chik rak'al i ajawinel chi ktijin kikamsaxik, xruwaj chwach ati Atalía chupam jun warb'al junam ru' ixoq chi xk'itsawik, rumali chi xkamsax taj. Ile are ati Josabet x-anawik, chi umi'al i ajawinel ma Joram, ranab' ma Ocozías xaq rixoqil ma Joiada, chi ajsujul sipon.

Salmos 105:30

Ronojel i tinimit Egipto xnoj che ixtutz' xaq ronojel i rachoch kajawinel xnoj che ixtutz'.

ÉXODO 10:6

Kkixit' ni kib' pa nim laj awachoch, pkachoch je awajpatan xaq pkachoch konojel aj Egipto. Ile lik xkil ti aqajaw achuch xaq mitene awatit amam ni'pa kijeqelem waral che i tinimiti.” Are xb'itaj ile, i ma Moisés xusutij b'i rib' x-ek, xel pa nim laj ja re i ajawinel ma faraón.

ÉXODO 12:34

Are uri i je aj Israel xkik'am b'i ki'or chi k'amaja kkikoj kunb'al ru', xaq xkik'am b'i yot'b'al re ru', xkipasij b'i chupam ki'u' xkik'aq b'i chwi kiteleb'.

ÉXODO 7:11

Xwiri ma faraón xeusik'ij ni'pa o kino'oj xaq ni'pa i je aj-ij chi je aj Egipto, xaq ike le xki'ano pacha xki'an ma Moisés xaq ma Aarón;

ÉXODO 8:11

I ixtutz' ke'el ni chawij xaq ke'el ni pa nim laj awachoch, ke'el ni chkij awajpatan xaq ke'el ni chkij awinaq. Lik xwi pa raqana Nilo kek'iji wi —xcha.

ÉXODO 8:2

man we kaya tu b'i chke ke'ek, kinnojsaj ni uri ronojel i nim laj atinimit che ixtutz'.

ÉXODO 8:4

Xwi ta la ile xaq ke'an ni chawij yet, chkij awajpatan xaq ke'an ni chkij konojel awinaq. Keje ile kab'ij che, xcha i Dios che ma Moisés.”