ÉXODO 5:4 - Wuj Pa K'ubultzij

⁴ Are uri i ajawinel re i Egipto, xub'ij che ma Moisés xaq che ma Aarón: —¿B'uchak keib'ayb'a i winaq che kichak? ¡Chib'isoj, chixtzalij chik pichak!

ÉXODO 5:4 Iomraidhean Croise

ÉXODO 1:11

Are uri i je aj Egipto xekikoj taqanel pkiwi aj Israel chu'anik k'ax laj taq chak, xki'an keb' tinimit chi are: Pitón xaq i Ramesés, ile k'olb'al re i jalajuj taq tijawik re, re ma faraón.

ÉXODO 2:11

Are achi chik a Moisés le, o jun ij x-e chkisolixik i ratz aj Hebreo, are uri xrilo chi lik k'ax i kichak xaq xrilo chi jun aj Egipto kuch'ay jun achi aj Hebreo chi rach utinimit ire.

ÉXODO 6:5

Xaq xwi ti ile, lik intom chik ni'pa uyej chi kkitij aj Israel kumal aj Egipto, man lik kekitaq pa chak, rumali xk'un intrat chink'ux.

JEREMÍAS 38:4

Are uri i ajpatanib' xkib'ij che i ajawinel: —Rajwaxik chi kkamsax i achi ri, man ru' i utzij lik kuqajsaj ki'ij achiyab' chi je yij che i ch'oj chi k'a je kanajnaq kan pa nim laj tinimit, xaq kuqajsaj ki'ij konojel i winaq. I achi le kutzukuj ti chomb'al ib' re i tinimit, xa ch'oj kutzukuj.

AMÓS 7:10

Ma Amasías, ajsujul sipon re i Betel, xutaq ub'ixkil che ma Jeroboam, ajawinel re Israel: “Ma Amós kb'in chkixol i winaq aj Israel, kutzukuj tzij chawij yet, Nim laj Winaq. I tinimit ya xrix uk'ux chutayik wach kub'ij, kraj ti chik utayik utzij.

Lucas 23:2

Are o chik chila xkijeq ukojik umak; xkib'ij: —Qariqom i achi ri, chi ktijin chkitunik i qach aj tinimit. Ub'im chi kqatoj ti alkawal che i ma César. Kub'ij chi are ire Cristo xaq kub'ij chi are ire Ajawinel —xecha.

Hechos 24:5

I achi le lik xa ch'oj kutzukuj chqaxol, lik chwach ronojel i jyub' ta'aj, ktijin chpetsaxik ch'oj chkixol aj Judío xaq are ire ajk'amol utzam chke i jutzob'aj winaq chi “aj nazareno”.