ÉXODO 4:8 - Wuj Pa K'ubultzij

⁸ —Te'uri xub'ij chik i Ajwal: We kkikoj ti chawe ru' i nab'e nim laj anik, moqxa kkikoj chawe ru' ukab' nim laj anik.

ÉXODO 4:8 Iomraidhean Croise

2 Reyes 5:7

I ajawinel are xrajlaj uwach i wuj, xuraqch'ij u'u', rumal wach taq kub'ij i wuj le, rumali xub'ij: —¿Xatab'a in Dios taq wa yin man o pin-ab' kinya k'aslemal xaq o pin-ab' kwesaj k'aslemal, man i ajawinel le kutaq li jun winaq chwe re kinkunaj i yob'il che utz'umalil? ¡Chikojo pe retalil, chi ire le xa to' ktijin chutzukuxik ch'oj chwij! —Xcha.

Job 5:18

Ire we ku'an i sokonik, xaq kukunaj na, Ire we ku'an jun ch'ayanik ru' u'ab' xaq krik'awsaj ni uk'axk'ol.

ÉXODO 4:28

Are uri ma Moisés xulap che ma Aarón, ronojel wach xb'ix che rumal i Dios chi ku'ano, xaq ronojel i nimaq taq anik chi xtaq che.

ÉXODO 4:7

I Ajwal xub'ij chik che: —Chamina chub'i a'ab' chwach ak'ux. I ma Moisés xumin chik u'ab' chwach uk'ux, are xresaj chaloq, lik chom tan chik u'ab' pacha u'anom ronojel uch'akul.

ÉXODO 4:9

Xwiri we kkikoj ti chawe ru' i keb' nimaq taq anik le, chak'ama jub'i' ya pa raqana Nilo, chatixa chwach ulew, are ktzaq i ya le chwach ulew k-on kik' —xcha i Dios.

ISAÍAS 28:10

chi k'ate kqajeq nawik che i rajlaxik uwach i tz'ib': Ba, be, bi, bo, bu!”

Juan 12:37

Tupu lik k'i nimaq taq il xu'an i Jesús chkiwach aj Judío, xwiri ike lik xkikoj taj.

Deuteronomio 32:39

Man xwi Yin in-Dios, nti chik jun dios pacha Yin, Pin-ab' o wi uya'ik k'aslemal xaq pin-ab' o wi relsaxik; Yin kinyaw yob'il puwi jun winaq xaq Yin kinkunawik. ¡Lik mijun kresaj rib' chwach incho'ab'!

Jueces 6:17

Are uri ma Gedeón xub'ij che: —We awilom tob'al inwach chaya jun k'utb'al re chwe man kwilb'ej re we lik yet katlapan wu'.